ភ្នំពេញ៖ កម្លាំងសមត្ថកិច្ច នគរបាលខណ្ឌចំការមន កាលពីរសៀល ថ្ងៃទី ១៩ ខែតុលា ឆ្នាំ២០២១ ឃាត់ខ្លួនជនសង្ស័យ ប្រុស-ស្រី ចំនួន៣នាក់ ជាប់ពាក់ព័ន្ធនឹងការប្រើប្រាស់ និង ជួញដូរថ្នាំញៀន ប្រព្រឹត្តនៅ នៅភូមិ៤ ផ្លូវ៩៧ ក្រុម ២៦ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
សមត្ថកិច្ចនគរបាល ខណ្ឌចំការមន បានអោយដឹងថា ជនសង្ស័យប្រុស-ស្រី
៣ នាក់ ដែលត្រូវបានឃាត់ខ្លួន មានឈ្មោះ ៖ ទី ១ -ឈ្មោះ ឃុន គីមហាក់ ភេទប្រុស អាយុ៣៣ឆ្នាំ មានមុខរបរមិនពិតប្រាកដ ស្នាក់នៅបន្ទប់ជួល ផ្លូវ១០៣ សង្កាត់បឹងត្របែក ខណ្ឌចំការមន, ទី ២-ឈ្មោះសាយ លីដា ភេទស្រី អាយុ ៣៤ឆ្នាំ មុខរបរ មិនពិតប្រាកដ ស្នាក់នៅសំណង់ទុកចោល ភូមិ ៥ ក្រុម ៣៥សង្កាត់ផ្សារដើមថ្កូវ ខណ្ឌចំការមន, និង ទី ៣-ឈ្មោះ អែម សុជា ភេទ ស្រី អាយុ ៣៧ឆ្នាំ មុខរបរមិនពិតប្រាកដ ស្នាក់នៅក្នុងសំណង់ទុកចោល ។
សមត្ថកិច្ចនគរបាលបានបញ្ជាក់ថា ក្រោយប្រតិបត្តិការបង្ក្រាប និង ឃាត់ខ្លួនពួកគេ, សមត្ថកិច្ចនគរបាល ដកហូត វត្ថុតាងរួមមាន ៖ គ្រឿងញៀន ចំនួន ២៤ បព្ចាប់។
បច្ចុប្បន្ននេះ , ពួកគេទាំង៣នាក់ ត្រូវបានឃាត់ ជាបណ្ដោះអាសន្ននៅអធិការដ្ឋាន នគរបាលខណ្ឌចំការមន ដើម្បី កសាងសំណុំរឿង និង បញ្ជូនខ្លួន ពួកគេ ទៅកាន់តុលាការ ដើម្បីបន្តចាត់ការតាមនីតិវិធីច្បាប់៕
ដោយ រស្មី អាកាស
