រ៉ង់ហ្គូន៖ អតីតមេដឹកនាំមីយ៉ាន់ម៉ាលោកស្រី អ៊ុងសាន ស៊ូជី ត្រូវបានចោទប្រកាន់ពីបទ ពុករលួយថ្មី មួយ អាជ្ញាធរបានឲ្យដឹងតាមរយៈប្រព័ន្ធផ្សព្វផ្សាយរដ្ឋ ខណៈដែលតុលាការនៅថ្ងៃដដែលពុធម្សិលមិញនេះ បានពន្យារពេលសាលក្រមដំបូងក្នុងការកាត់ក្តីរបស់លោកស្រី។
លោកស្រីត្រូវបានចោទប្រកាន់រួចហើយលើការចោទប្រកាន់ព្រហ្មទណ្ឌជាង ១០ករណគ រួមទាំងការចោទប្រកាន់ថា បានបំពានច្បាប់សម្ងាត់ផ្លូវការសម័យអាណានិគម មេដឹកនាំដែលត្រូវបានឃុំខ្លួនរូបនេះ អាចនឹងត្រូវកាត់ទោសឱ្យជាប់គុកលើសពី ១០០ឆ្នាំ ប្រសិនបើត្រូវបានកាត់ទោសលើគ្រប់ករណីទាំងអស់។
យោងតាមប្រព័ន្ធផ្សព្វផ្សាយរដ្ឋ លោកស្រី ស៊ូជី ត្រូវបានចោទប្រកាន់ពីបទរំលោភច្បាប់ប្រឆាំងអំពើពុករលួយ ដោយបំពានអំណាចរបស់នាង ពាក់ព័ន្ធនឹងការជួល និងទិញឧទ្ធម្ភាគចក្រ ដែលនាំឱ្យបាត់បង់ថវិការដ្ឋ។
លោក Win Myint ដែលជាប្រធានាធិបតីនៃរដ្ឋាភិបាលស៊ីវិល ដែលលោកស្រី ស៊ូជី ធ្វើជាទីប្រឹក្សារដ្ឋរហូតដល់រដ្ឋប្រហារយោធាកាលពីខែកុម្ភៈ ត្រូវបានបន្ថែមជាមួយនឹងការចោទប្រកាន់ដូចគ្នា។
យោងតាមប្រភពជិតស្និទ្ធបានឱ្យដឹងថា តុលាការពិសេសមួយក្នុងរដ្ឋធានីនៃពិដោរ របស់ប្រទេសនេះ នឹងប្រកាសសាលក្រមលើលោកស្រី ស៊ូជី លើសំណុំរឿងញុះញង់ និងរំលោភលើការរឹតបន្តឹងលើ ជំងឺកូវីដ-១៩នៅថ្ងៃអង្គារ ប៉ុន្តែបានពន្យារពេលដល់ថ្ងៃទី០៦ ខែធ្នូ នេះបើយោងតាមប្រភពជិតស្និទ្ធនឹងបញ្ហានេះ។
លោកស្រី ស៊ូជី ក៏កំពុងត្រូវបានកាត់ទោសពីបទនាំចូលឧបករណ៍ walkie-talkies ដោយខុសច្បាប់ ក្នុងចំណោមការចោទប្រកាន់ផ្សេងទៀត។ លោកស្រីបានប្រឈមមុខនឹងការចោទប្រកាន់ពីបទពុករលួយរួចហើយ ពាក់ព័ន្ធនឹងការចោទប្រកាន់ថា លោកស្រីទទួលយកប្រាក់ចំនួន ៦០ម៉ឺនដុល្លារ និងមាស ក៏ដូចជាការប្រើប្រាស់សិទ្ធិអំណាចរបស់លោកស្រី ខុសក្នុងការជួលដី និងអគារមួយផងដែរ៕
ដោយ ឈូក បូរ៉ា
![](https://dap-news.com/wp-content/uploads/2020/08/1-1.png)