វ៉ាស៊ីនតោន៖ រដ្ឋបាលចំណីអាហារ និងឪសថអាមេរិក (FDA) បានអនុញ្ញាតឲ្យក្រុមហ៊ុនឱសថអាមេរិក Merck’s ថ្នាំគ្រាប់ប្រឆាំងវីរុស សម្រាប់ការព្យាបាលជំងឺកូវីដ-១៩ កម្រិតស្រាលទៅមធ្យម ដែលជាថ្នាំគ្រាប់ទីពីរ ដែលត្រូវបានអនុម័តសម្រាប់ការព្យាបាលកូវីដ-១៩ បន្ទាប់ពីថ្នាំពីក្រុមហ៊ុន Pfizer ។
ថ្នាំគ្រាប់របស់ក្រុមហ៊ុន Merck ដែលហៅថា molnupiravir ត្រូវបានអនុញ្ញាតឱ្យប្រើចំពោះមនុស្សពេញវ័យ ដែលមានលទ្ធផលវិជ្ជមាននៃការធ្វើតេស្តមេរោគ SARS-CoV-2 ដោយផ្ទាល់ ហើយអ្នកដែលមានហានិភ័យខ្ពស់ក្នុងការវិវត្តទៅជាជំងឺកូវីដ-១៩ ធ្ងន់ធ្ងរ រួមទាំងការសម្រាកព្យាបាលនៅមន្ទីរពេទ្យ ឬការស្លាប់ ហើយសម្រាប់អ្នកដែលមានជម្រើសព្យាបាល ដែលត្រូវបានអនុញ្ញាតដោយ FDA គឺមិនអាចចូលប្រើបាន ឬសមស្របតាមគ្លីនិកនោះទេ នេះបើយោងតាម FDA ។
FDA បានឲ្យដឹងថា ថ្នាំគ្រាប់ Molnupiravir គឺអាចរកបានតាមវេជ្ជបញ្ជាតែប៉ុណ្ណោះ ហើយគួរតែត្រូវបានចាប់ផ្តើមឱ្យបានឆាប់តាមដែលអាចធ្វើទៅបានបន្ទាប់ពីការធ្វើរោគវិនិច្ឆ័យនៃជំងឺកូវីដ-១៩ និងក្នុងរយៈពេល ៥ថ្ងៃនៃការចាប់ផ្តើមរោគសញ្ញា។
កាលពីថ្ងៃពុធ រដ្ឋបាលចំណីអាហារ និងឪសថបានអនុញ្ញាតឱ្យថ្នាំគ្រាប់ប្រឆាំងមេរោគរបស់ ក្រុមហ៊ុន Pfizer Paxlovid សម្រាប់ការព្យាបាល ជំងឺកូវីដ-១៩ កម្រិតស្រាលទៅមធ្យម ដែលជាថ្នាំគ្រាប់ដំបូងដែលត្រូវបានអនុម័តសម្រាប់ការព្យាបាលជំងឺនេះនៅក្នុងប្រទេស៕
ដោយ ឈូក បូរ៉ា
