បរទេស៖ កិច្ចព្រមព្រៀងដែលបានចុះហត្ថលេខា រវាងរដ្ឋាភិបាលទីក្រុងអង់ការ៉ា និង រដ្ឋាភិបាលទីក្រុងគៀវ ដែលអាចមើលឃើញ ក្នុងពេលឆាប់ៗនេះ នូវយន្តហោះគ្មានមនុស្សបើកយោធាតួកគី ត្រូវបានផលិតយ៉ាងច្រើន នៅក្នុងប្រទេសអ៊ុយក្រែន បានទទួលរងការរិះគន់ ពីអ្នកនយោបាយជាន់ខ្ពស់បំផុតរបស់រុស្ស៊ី ដែលបានអះអាងថា ផែនការនេះប្រថុយនឹងការ ប្រឈមមុខដាក់គ្នាកាន់តែខ្លាំង នៅពេលដែលភាពតានតឹងកើនឡើងខ្លាំង។
យោងតាមសារព័ត៌មាន RT ចេញផ្សាយកាលពីថ្ងៃទី៥ ខែកុម្ភៈ ឆ្នាំ២០២២ បានឱ្យដឹងថា ថ្លែងទៅកាន់ សារព័ត៌មាន RIA Novosti កាលពីថ្ងៃព្រហស្បតិ៍ លោក Andrey Klimov ដែលបម្រើការជាប្រធាន គណៈកម្មាធិការព្រឹទ្ធសភា នៃប្រទេសរុស្ស៊ី សម្រាប់ការការពារអធិបតេយ្យភាពជាតិ បានចំអកចំពោះទង្វើនេះ ដោយទទូចថា “ដំណើរការរបស់អ៊ុយក្រែន ជាមួយនឹងអាវុធគឺជាការបង្កហេតុ នៅក្នុងខ្លួនឯង និងជាធាតុផ្សំនៃការញុះញង់។ ”
លោកបានបន្ថែមថា “រដ្ឋាភិបាលទីក្រុងអង់ការ៉ា មិនអាចខកខាន ក្នុងការយល់អំពីរឿងនេះទេ ប៉ុន្តែតើវាអាចទៅរួច ដែលសម្រាប់ជាការសោកស្តាយ” ដោយអះអាងថា មានហានិភ័យនៅភាគអាគ្នេយ៍ នៃអ៊ុយក្រែន ដែលអរិភាពអាចផ្ទុះឡើង “ដោយឯកឯង ឬដោយមានការចូលរួម ពីអ្នកបង្កហេតុ” ជាមួយនឹងអាវុធពី ដៃគូបរទេសត្រូវបានប្រើប្រាស់ នៅក្នុងការប្រយុទ្ធដ៏មានសក្តានុពលណាមួយ។
លោក Klimov បានព្រមានថា “ជាអកុសល វាមានហានិភ័យដែល “hawks” នៅក្នុង Kiev អាចផ្តល់ការបញ្ជាឱ្យកេងប្រវ័ញ្ច ស្ថានភាពនេះ”។
យោងតាមអ្នកនយោបាយ គឺថា អាជ្ញាធរតួកគីកំពុងព្យាយាម ទាញយកប្រយោជន៍ផ្នែកហិរញ្ញវត្ថុ ដោយការផ្សព្វផ្សាយអាវុធរបស់ខ្លួន ប៉ុន្តែក៏កំពុងស្វែងរកដើម្បីក្លាយជា “អ្នកចូលរួមនៅក្នុងការប្រកួតដ៏ធំនេះ” នៃភាពតានតឹង នៅអឺរ៉ុបខាងកើតផងដែរ៕ ប្រែសម្រួលៈ ណៃ តុលា
