តេអេរ៉ង់៖ មេដឹកនាំកំពូលរបស់ប្រទេសអ៊ីរ៉ង់ បានអំពាវនាវឱ្យមានការអភិវឌ្ឍធនធាន ថាមពលកកើតឡើងវិញ និងស្អាត ដូចជាថាមពលនុយក្លេអ៊ែរស៊ីវិល នៅក្នុងប្រទេស ដើម្បីជំនួសឥន្ធនៈហ្វូស៊ីល។
លោក Ayatollah Seyyed Ali Khamenei បានធ្វើការកត់សម្គាល់នេះ បន្ទាប់ពីលោកបានដាំកូនឈើ ដើម្បីប្រារព្ធទិវារុក្ខទិវាជាតិ និងសប្តាហ៍ធនធានធម្មជាតិ របស់ប្រទេសអ៊ីរ៉ង់ នេះបើយោងតាមគេហទំព័រផ្លូវការ របស់មេដឹកនាំ។
មេដឹកនាំរូបនេះបានពិពណ៌នា អំពីការអភិវឌ្ឍន៍នៃឥន្ធនៈ មិនមែនហ្វូស៊ីល ដូចជាថាមពលនុយក្លេអ៊ែរ ជានិន្នាការកើនឡើងជុំវិញពិភពលោក ដោយលើកឡើងថា ប្រទេសក្នុងតំបន់ក៏កំពុងធ្វើការ ឆ្ពោះទៅរកគោលដៅផងដែរ។
លោកបានជំរុញឱ្យមាន ការយកចិត្តទុកដាក់យ៉ាងខ្លាំង ចំពោះការអភិវឌ្ឍន៍ធនធាន ថាមពលកកើតឡើងវិញ ដូចជាថាមពលពន្លឺព្រះអាទិត្យ និងថាមពលខ្យល់ ដែលជាមិត្តភាពបរិស្ថាន ដោយអំពាវនាវឱ្យក្រសួងថាមពល និងស្ថាប័នពាក់ព័ន្ធនានា ដើរតួក្នុងរឿងនេះ៕ ប្រែសម្រួល ឈូក បូរ៉ា
