ថ្ងៃទី៨ ខែមេសា លោក Xi Jinping ប្រធានរដ្ឋចិន បានថ្លែងសុន្ទរកថា គន្លឹះក្នុងមហាសន្និបាត បូកសរុបលទ្ធផលការងារ និងសម្តែងការកោតសរសើរ ចំពោះព្រឹត្តិការណ៍កីឡាអូឡាំពិក និងប៉ារ៉ាឡាំពិក រដូវរងាក្រុងប៉េកាំង ដោយបានប្រកាសថា ប្រទេសចិនបានបំពេញ ពាក្យសន្យាយ៉ាងម៉ឺងម៉ាត់ ចំពោះសហគមន៍អន្តរជាតិ ដោយគ្រប់ជ្រុងជ្រោយ ហើយបានផ្តល់ព្រឹត្តិការណ៍ កីឡាអូឡាំពិក ប្រកបដោយភាពសាមញ្ញ សុវត្ថិភាពនិងមានភាព អស្ចារ្យជូនពិភពលោក ។
“ការរៀបចំការប្រកួត ដោយរលូន គឺបានទទួលភាពជោគជ័យ” ។ ក្នុងនាមជាព្រឹតិ្តការណ៍ កីឡាចម្រុះដ៏មានលក្ខណៈសកលទីមួយ ដែលបានរៀបចំ តាមពេលកំណត់ បន្ទាប់ពីផ្ទុះការរីករាលដាល នៃ ជំងឺកូវីដ១៩ មិនថាការងារត្រៀមរៀបចំ និងដំណើរការប្រកួត ឬមួយក៏ការវាយតម្លៃយ៉ាង សកម្មពីសំណាក់អត្តពលិក និងសហគមន៍ អន្តរជាតិ រហូតដល់អត្រាទូរទស្សនិក ជនខ្ពស់បំផុត ដែលមានទូរទស្សនិកជនរាប់ពាន់លាននាក់ នៅទូទាំងពិភពលោក ចូលរួមទស្សនា ហើយបានបំបែកកំណត់ត្រា ក្នុងប្រវត្តិសាស្ត្រ អាចនិយាយបានថា ព្រឹត្តិការណ៍កីឡាអូឡាំពិក និងប៉ារ៉ាឡាំពិករដូវរងា ក្រុងប៉េកាំង បានបង្កើតភាពអស្ចារ្យមួយ ដែលអាចកត់ត្រា ក្នុងប្រវតិ្តសាស្ត្រ នៃការប្រកួតកីឡាអូឡាំពិក ថែមទាំង ក៏បានបំពេញបន្ថែមជំនឿចិត្ត និងកម្លាំងដល់ពិភពលោក ដែលបាននិងកំពុងរងការរំខាន ពីការរីករាលដាលនៃជំងឺកូវីដ១៩ ។
ក្នុងអំឡុងពេលរៀបចំធ្វើការ ប្រកួតកីឡាអូឡាំពិកនិងប៉ារ៉ាឡាំពិករដូវរងាក្រុងប៉េកាំង ក្នុងបរិវេណបិទខ្ទប់ អត្រារកឃើញករណីវិជ្ជមាន ជំងឺកូវីដ១៩មានតែ០.៤៥ភាគរយប៉ុណ្ណោះ អ្នកដែលត្រូវរកឃើញវិជ្ជមាន ជំងឺកូវីដ១៩ទាំងអស់ទទួល បានការព្យាបាលដ៏មានប្រសិទ្ធភាព និងការថែទាំដ៏ល្អប្រសើរ មិនកើតមានករណី ឆ្លងជំងឺកូវីដ១៩ជាក្រុម និងរាយបាយ សម្រេចបាននូវការគ្រប់គ្រង និងទប់ស្កាត់ករណីឆ្លងនៅត្រឹមសូន្យ ។ ការងារបង្ការ និងគ្រប់គ្រង ជំងឺកូវីដ១៩ ក្នុងព្រឹត្តិការណ៍ប្រកួតដោយចំគោលដៅ និង មានប្រសិទ្ធិភាព បានផ្តល់បទពិសោធន៍ ដ៏មានតម្លៃដល់ការងារ ប្រយុទ្ធប្រឆាំង នឹងជំងឺកូវីដ១៩ជាសកល និង ការរៀបចំសកម្មភាព អន្តរជាតិធំៗ ហើយក៏បានបង្ហាញពីស្មារតីរបស់ប្រជាជនចិនដែលមិនចុះញ៉ម ពុះពារឧបសគ្គនិងយក ឈ្នះលើហានិភ័យយ៉ាង អង់អាចក្លាហាន ។
ឆ្លងតាមរយៈការប្រកួតកីឡាអូឡាំពិក និងប៉ារ៉ាឡាំពិករដូវរងាក្រុងប៉េកាំង ពិភពលោកបានមើលឃើញប្រទេសចិន ដែលប្រកបដោយភាពបើកទូលាយ បរិយាប័ន្ននិងស្វែងរកឧត្តមភាព ។ ទាំងកីឡដ្ឋានការប្រកួតកីឡាអូឡាំពិក រដូវរងាដែលប្រកប ដោយវប្បធម៌ចិន និង បែបបទដ៏ពិសេស និងពិធីបើកនិងពិធីបិទ ដែលប្រកបដោយទស្សនៈចិនស្តីពីភាពចុះសម្រុង គ្នានិងស្មើគ្នា ទាំងម្ហូបអាហារឆ្ងាញ់ៗ និង ក្បាច់គុនកុងហ្វូចិន ដែលទទួលប្រជាប្រិយភាព ក្នុងភូមិអូឡាំពិក និងស្នាមញញឹម របស់អ្នកស្ម័គ្រចិត្ត ដែលប្រកបដោយភាព កក់ក្តៅ និងភាពស្មោះត្រង់ ការប្រកួតកីឡាទាំងពីរនេះ បានបង្ហាញយ៉ាងពេញលេញ នូវភាពទាក់ទាញរបស់វប្បធម៌ចិន និងភាពរួសរាយរាក់ទាក់ ចំពោះភ្ញៀវរបស់ប្រជាជនចិន ក៏ដូចជាបានជំរុញការយល់ដឹងពីគ្នា និងមិត្តភាពរវាងប្រជាជន នៃបណ្តាប្រទេសនានា លើពិភពលោកផងដែរ ។
គួររំលឹកផងដែរថា ការរៀបចំដោយជោគជ័យ នៃការប្រកួតកី ឡាប៉ារ៉ាឡាំពិក រដូវរងាក្រុងប៉េកាំង ក៏បានក្លាយជាបង្អួចមួយ ដែលអាចបង្ហាញពីទស្សនៈនិង ស្នាដៃនៃបុព្វហេតុសិទ្ធិមនុស្ស របស់ប្រទេសចិន ក៏ដូចជាសមិទ្ធផល របស់ប្រទេសចិនក្នុងការគោរព និងគាំពារសិទ្ធិនិងផលប្រយោជន៍ របស់ជនពិការផងដែរ ។ លោក Andrew Parsons ប្រធានគណៈកម្មាធិការ កីឡាប៉ារ៉ាឡាំពិកអន្តរជាតិបានវាយតម្លៃថា “ការប្រកួតកីឡាប៉ារ៉ាឡាំពិក រដូវរងាក្រុងប៉េកាំងឆ្នាំ២០២២ ជាពន្លឺថ្មី នៃការប្រកួតកីឡាប៉ារ៉ាឡាំពិករដូវរងា” ។
ប្រការដែលសំខាន់ជាងទៀត គឺ នៅលើពិភពលោក ដែលបាននិង កំពុងមានភាពច្របូកច្របល់ ស្មារតីកីឡាអូឡាំពិករដូវរងាក្រុង ប៉េកាំងបានជំរុញការរៀនសូត្រពីវប្បធម៌ រវាងគ្នានិង គ្នា និងបានសាប ព្រោះគ្រាប់ពូជសាមគ្គីភាពនិងមិត្តភាព ហើយបានជំរុញ ឱ្យប្រជាជន នៃបណ្តាប្រទេសនានា រួមគ្នាឆ្ពោះទៅអនាគត ៕
