អូតាវ៉ា ៖ រដ្ឋមន្ត្រីការបរទេសកាណាដា Melanie Joly បានប្រកាសកាលពីថ្ងៃចន្ទថា ប្រទេសកាណាដា កំពុងដាក់ទណ្ឌកម្មថ្មី លើវិស័យការពារជាតិរុស្ស៊ី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យោងតាមសេចក្តីប្រកាសព័ត៌មាន ដែលចេញផ្សាយដោយ ក្រសួងការបរទេស វិធានការថ្មីទាំងនេះនឹងដាក់កម្រិតលើអង្គភាពចំនួន ៣៣ នៅក្នុងវិស័យការពារជាតិរុស្ស៊ី។ អង្គភាពទាំងនេះបានផ្តល់ការគាំទ្រ ដោយប្រយោល ឬដោយផ្ទាល់ដល់យោធារុស្ស៊ី។
ចាប់តាំងពីថ្ងៃទី២៤ ខែកុម្ភៈ នៅពេលដែលជម្លោះរុស្ស៊ី-អ៊ុយក្រែន បានចាប់ផ្តើម កាណាដា បានដាក់ទណ្ឌកម្មលើបុគ្គល និងអង្គភាពជាង ៧០០ មកពីប្រទេសរុស្ស៊ី អ៊ុយក្រែន និងបេឡារុស្ស ។ ការចេញផ្សាយបានឲ្យដឹងថា ទណ្ឌកម្ម ចុងក្រោយរបស់ កាណាដា នឹងដាក់ការបង្កកទ្រព្យ សកម្ម និង ការ ហាមប្រាមលើ អង្គភាព ដែលបានចុះបញ្ជី៕
ប្រែសម្រួល ឈូក បូរ៉ា
