បរទេស៖ យោងតាមអ្នកនាំពាក្យ របស់ក្រសួងការបរទេស កាលពីថ្ងៃពុធម្សិលមិញនេះ បានឲ្យដឹងថា លោករដ្ឋមន្ត្រី ក្រសួងការបរទេស Antony Blinken គឺបានតេស្តឃើញវិជ្ជមានកូវីដ ប៉ុន្តែអក្ការៈមិនធ្ងន់ធ្ងរ ហើយលោកកំពុង
ការងារពីគេហដ្ឋាន នៅពេលនេះ។
អ្នកនាំពាក្យលោក Ned Price បានបញ្ជាក់ទៀតថា៖ លោករដ្ឋមន្ត្រីបានចាក់វ៉ាក់សាំង គ្រប់គ្រាន់ទាំងអស់ទាំងដូសជម្រុញ ផងដូចនេះ លោកមានអក្ការៈ ធ្វើទុក្ខតិចតួចបំផុត។ទោះបីជាយ៉ាងណាក្តី លោករដ្ឋមន្ត្រី បានធ្វើតេស្តអវិជ្ជមាន ទាំងព្រឹកថ្ងៃអង្គារនិង ពេលល្ងាច ប៉ុន្តែបែរជាតេស្តឃើញវិជ្ជមាន នៅល្ងាចថ្ងៃពុធទៅវិញ។
គួរឲ្យដឹងដែរថា កិច្ចប្រជុំចុងក្រោយ របស់លោករដ្ឋមន្ត្រីរូបនេះ មានដូចជាកិច្ចប្រជុំជាមួយនឹង រដ្ឋមន្ត្រីក្រសួងការបរទេសស៊ុយអែត Ann Linde កាលពីព្រលឹកថ្ងៃពុធ នៅទីក្រុងវ៉ាស៊ិនតោន និងក៏បានជួបជាមួយ នឹងលោករដ្ឋមន្ត្រីការបរទេស មិកស៊ិកូ Marcelo Ebrard កាលពីថ្ងៃអង្គារ ផងដែរព្រមទាំងការថ្លែងសន្ទរកថា ចំនួន២កន្លែងផ្សេងទៀត៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)