វ៉ាស៊ីនតោន៖ ជនជាតិអ៊ីរ៉ាក់ម្នាក់ សុំសិទ្ធជ្រកកោន នៅអាមេរិក តាមពិតជាមុខសញ្ញា តាមធ្វើឃាត អតីតប្រធានាធិបតីប៊ូស សោះ។ នេះបើតាមការផ្សាយរបស់ទីភ្នាក់ងារបារាំង នៅមុននេះបន្តិច។
Shihab Ahmed Shihab អាយុ ៥២ ឆ្នាំបានប្រាប់អ្នកផ្តល់ព័ត៌មាន FBI ថាគាត់ចង់រត់ពន្ ធយ៉ាងហោចណាស់ ជនជាតិអ៊ីរ៉ាក់បួននាក់ផ្សេងទៀត ចូលទៅក្នុងប្រទេសតាមព្រំដែន ជាមួយប្រទេសម៉ិកស៊ិក ដើម្បីអនុវត្តផែនការ នេះបើយោងតាមការបញ្ជាក់របស់ FBI ដែលបានដាក់នៅតុលាការសហព័ន្ធនៅទីក្រុង Columbus រដ្ឋ Ohio ។
Shihab បានប្រាប់អ្នកផ្តល់ព័ត៌មានថា ពួកគេចង់សម្លាប់ លោក ប៊ូស ដែលបានបញ្ជាឱ្យឈ្លានពានអ៊ីរ៉ាក់ ក្នុងឆ្នាំ ២០០៣”ពីព្រោះពួកគេមានអារម្មណ៍ថា គាត់ជាអ្នកទទួលខុសត្រូវ ចំពោះការសម្លាប់ជនជាតិអ៊ីរ៉ាក់ ជាច្រើននិងបំបែកប្រទេសអ៊ីរ៉ាក់ទាំងមូល” ។
Shihab បានមកដល់សហរដ្ឋអាមេរិក តាមទិដ្ឋាការភ្ញៀវទេសចរ ក្នុងខែកញ្ញា ឆ្នាំ ២០២០ហើយបានសុំសិទ្ធិជ្រកកោននៅខែមីនា ឆ្នាំ២០២១ នៅពេលដែលទិដ្ឋាការរបស់គាត់ ផុតកំណត់។
