ភ្នំពេញ ៖ ក្រសួងធនធានទឹក និងឧតុនិយម បានប្រកាសថា គិតមកត្រឹកម៉ោងប្រមាណជា១០និង៣០នាទីព្រឹកថ្ងៃទី១២ ខែកក្កដា ឆ្នាំ២០២២ ស្ថានភាពទឹកនៅស្ទឹងសំរោង ស្ថិតនៅឃុំអូរបាក់រទេះ ស្រុកកំពង់សីលា ខេត្តព្រះសីហនុ មានកម្ពស់៥.១០ម៉ែត ខណៈកម្រិតប្រកាសអាសន្នគឺ៥.៦០ម៉ែត ។
តាមសេចក្តីរាយការណ៍ បានឲ្យដឹងថា នៅទីតាំងខាងលើនេះ មានប្រជាពលរដ្ឋរស់នៅចំនួន៤២ខ្នងផ្ទះ ក្នុងនោះ រងគ្រោះដោយជំនន់ទឹកភ្លៀង ចំនួន៣៧ខ្នងផ្ទះ ដោយពុំមានរងគ្រោះដល់អាយុ ជីវិតមនុស្ស ឬសត្វពាហនៈឡើយ ៕
