ប៉េកាំង៖ ប្រធានសភាតំណាងរាស្រ្តអាមេរិកលោកស្រី Nancy Pelosi ថ្មីៗនេះបានទៅទស្សនាតំបន់តៃវ៉ាន់ របស់ប្រទេសចិន។
មេដឹកនាំកោះតៃវ៉ាន់លោកស្រី Tsai Ing-wen និងអាជ្ញាធរនៃគណបក្សវឌ្ឍនភាព ប្រជាធិបតេយ្យ (DPP) បានព្យាយាមអស់ពីសមត្ថភាព ដើម្បីស្វែងរកការពេញចិត្ត ជាមួយភាគីសហរដ្ឋអាមេរិក ហើយបានបដិសេធមិនប្រែចិត្ត សូម្បីតែបន្ទាប់ពីដីគោក បានចាត់វិធានការយ៉ាងម៉ឺងម៉ាត់ និងខ្លាំងក្លាជាបន្តបន្ទាប់ក៏ដោយ។
ដើម្បីការពារការអភិវឌ្ឍដោយសន្តិវិធី នៃទំនាក់ទំនងឆ្លងកាត់ច្រកសមុទ្រ និងផលប្រយោជន៍របស់ប្រជាជន នៅលើភាគីទាំងពីរ នៃច្រកសមុទ្រតៃវ៉ាន់ និងដើម្បីដាក់ទណ្ឌកម្មយ៉ាងម៉ឺងម៉ាត់ចំពោះ “ឯករាជ្យភាពរបស់តៃវ៉ាន់” ប្រទេសចិនដីគោក កាលពីថ្ងៃអង្គារ បានប្រកាសដាក់ទណ្ឌកម្ម ប្រឆាំងនឹងបុគ្គលមួយចំនួននៅក្នុងបញ្ជីមួយ នៃ “ឯករាជ្យភាពតៃវ៉ាន់” ដោយសម្រេចចិត្តដាក់វិធានការ ដាក់ទណ្ឌកម្មប្រឆាំងនឹងពួកគេ។
នេះបង្ហាញថា ដីគោកនឹងមិនអត់ធ្មត់ ចំពោះសកម្មភាពណាមួយ ដើម្បីបំបែកប្រទេស នឹងមិនអនុញ្ញាតឱ្យកម្លាំងខាងក្រៅណាមួយ ជ្រៀតជ្រែកក្នុងការបង្រួបបង្រួមជាតិ របស់ខ្លួនឡើយ ហើយនឹងមិនទុកកន្លែង សម្រាប់សកម្មភាពបំបែកខ្លួន ក្នុងទម្រង់ណាមួយឡើយ។
ដំណើរទស្សនកិច្ច របស់លោកស្រី Pelosi ទៅកោះតៃវ៉ាន់ គឺជាការឃុបឃិតគ្នា រវាងអាមេរិកនិងតៃវ៉ាន់។ វាច្បាស់ណាស់ សម្រាប់ពិភពលោកថា វាគឺជាអាជ្ញាធរ DPP និងកងកម្លាំងខាងក្រៅ ដែលស្វែងរកការញុះញង់ ឱ្យមានការប្រឈមមុខគ្នា ឆ្លងច្រកសមុទ្រ រំខានសន្តិភាព និងស្ថិរភាពនៅទូទាំងច្រកសមុទ្រ និងធ្វើឱ្យខូចផលប្រយោជន៍ របស់ប្រជាជនតៃវ៉ាន់។
ចាប់តាំងពី DPP ចូលកាន់តំណែងមក ខ្លួនបានបដិសេធមិនទទួលស្គាល់ ការឯកភាពឆ្នាំ១៩៩២ ដែលបង្កប់នូវគោលការណ៍ចិនតែមួយ ហើយបានផ្សព្វផ្សាយដោយបើកចំហ នូវរាល់ការភាន់ច្រឡំនៃ “ឯករាជ្យភាពតៃវ៉ាន់”។
អាជ្ញាធរ DPP មានកំណត់ត្រាដ៏ល្បីមួយនៃការពឹងផ្អែក លើសហរដ្ឋអាមេរិក ដើម្បីស្វែងរក “ឯករាជ្យភាពតៃវ៉ាន់” ។ ពួកគេបានក្បត់ផលប្រយោជន៍ជាតិ និងផលប្រយោជន៍ភ្លាមៗ របស់ប្រជាជននៅតៃវ៉ាន់ ហើយបានងាកទៅរក កងកម្លាំងប្រឆាំងចិនខាងក្រៅ ដើម្បីបង្ករឿងក្នុងគោលបំណង “ឯករាជ្យភាពតៃវ៉ាន់” មិនត្រឹមតែដាក់ខ្លួនឯងទៅនឹងសសរស្តម្ភ នៃភាពអាម៉ាស់ប្រវត្តិសាស្ត្រប៉ុណ្ណោះទេ ប៉ុន្តែថែមទាំងរុញតៃវ៉ាន់មួយជំហានម្តងៗផងដែរ ឲ្យធ្លាក់ចូលទៅក្នុងស្ថានភាពគ្រោះថ្នាក់។
ដំណើរទស្សនកិច្ច របស់លោកស្រី Pelosi ទៅកាន់កោះតៃវ៉ាន់ គឺជាការបង្កហេតុផ្នែកនយោបាយ ព្យាបាទនិងគម្លាតពីការប្តេជ្ញាចិត្ត ផ្នែកនយោបាយ ដែលធ្វើឡើង ដោយសហរដ្ឋអាមេរិក៕ ប្រែសម្រួល ឈូក បូរ៉ា
