បរទេស៖ ក្រសួងការពារជាតិ របស់ប្រទេសរុស្ស៊ី កាលពីថ្ងៃអង្គារម្សិលមិញនេះ បានធ្វើការអះអាងថា កងកម្លាំងយោធារបស់រុស្ស៊ី បានសម្លាប់យោធា អ៊ុយក្រែនរាប់រយនាក់ និងរថក្រោះជាច្រើនគ្រឿង ផងបូករួមទាំងរថយន្តយោធាជាច្រើនគ្រឿង ផ្សេងទៀតផង នៅក្នុងការប្រយុទ្ធគ្នា នៅភាគខាងត្បូង ប្រទេសអ៊ុយក្រែន។
នៅក្នុងសេចក្តីថ្លែងការណ៍មួយ ដែលធ្វើឡើងដោយក្រសួងការពារជាតិ ដដែលបានឲ្យដឹងដែរថារថក្រោះអ៊ុយក្រែន ដល់ទៅ៤៨គ្រឿង រថយន្តប្រយុទ្ធ៤៦គ្រឿង រថយន្តយោធា៣៧គ្រឿង និងរថយន្តភីគអាប់៧គ្រឿង បួកជាមួយនឹងកាំភ្លើងស្វ័យប្រវត្តិ ខ្នាតធំ និងយោធាអ៊ុយក្រែន ១២០០នាក់ ត្រូវបាន បំផ្លាញនិងសម្លាប់ត្រឹមតែ រយៈពេលមួយថ្ងៃប៉ុណ្ណោះ។
ទោះបីជាយ៉ាងណាក្តី ក្នុងរបាយការណ៍នេះក៏បានបង្ហាញអំពីការបាត់បង់ របស់យោធារុស្ស៊ី ប្រមាណជាជាង២០០នាក់ផងដែរ រួមទាំងទាហានស៊ីឈ្នួល បរទេស៤០នាក់និង រថយន្តយោធា ជាង២០គ្រឿងផងដែរ៕
ប្រែសម្រួល៖ស៊ុនលី
