រដ្ឋាភិបាលគុយបា រិះគន់ការបន្តការបិទផ្លូវ របស់អាមេរិក ដោយពលរដ្ឋគុយបា ត្រូវរងទណ្ឌកម្មជាង ៦០ឆ្នាំមកហើយ

ហាវ៉ាណា ៖ រដ្ឋាភិបាលគុយបា បានរិះគន់ការ សម្រេចចិត្តរបស់សហរដ្ឋអាមេរិក ក្នុងការបន្តរយៈពេលមួយឆ្នាំទៀតនូវ “ច្បាប់ពាណិជ្ជកម្មជាមួយសត្រូវ” ដែលជាច្បាប់ ដែលបង្ហាញពីភាពត្រឹមត្រូវ នៃការបិទផ្លូវ ដែលបានដាក់លើប្រទេសគុយបា អស់រយៈពេលជាង ៦០ឆ្នាំ។

ប្រធានាធិបតីគុយបាលោក Miguel Diaz-Canel បាននិយាយអំពីការសម្រេចចិត្ត នៅលើបណ្ដាញ Twitter ឲ្យដឹងថា “ឧក្រិដ្ឋកម្មមានរយៈពេលយូរពេក ប៉ុន្តែបដិវត្តគុយបា នឹងរស់រានមានជីវិត” ។

រដ្ឋមន្ត្រីការបរទេសគុយបា លោក Bruno Rodriguez ក៏បានរិះគន់ការបន្តវិធានការនេះ ដែលរឹតត្បិតទំនាក់ទំនង ពាណិជ្ជកម្មរវាងប្រទេសទាំងពីរ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។

លោកបន្ដថា “ដោយការពង្រីកការអនុវត្តច្បាប់ ជួញដូរជាមួយសត្រូវ លោក ចូ បៃដិន ក្លាយជាប្រធានាធិបតីទី១២ របស់សហរដ្ឋអាមេរិក ក្នុងការផ្តល់សច្ចាប័នលើក្របខ័ណ្ឌ ដែលគាំទ្រគោលនយោបាយ នៃការរំលោភបំពានប្រឆាំងនឹងគុយបា និង ប្រជាជនរបស់ខ្លួន។

យោងតាមសារព័ត៌មានក្នុងស្រុក លោក បៃដិន កាលពីថ្ងៃសុក្រ បានផ្ញើអនុស្សរណៈ នៃអនុស្សរណៈ ស្តីពីការបន្តវិធានការណ៍ របស់រដ្ឋមន្ត្រីការបរទេស លោក Antony Blinken និងរដ្ឋមន្ត្រីក្រសួងរតនាគារជាតិ។

អនុម័តដោយសភាសហរដ្ឋអាមេរិក ក្នុងខែតុលា ឆ្នាំ១៩១៧ ច្បាប់នេះផ្តល់ឱ្យប្រធានាធិបតី នូវអំណាចក្នុងការរឹតបន្តឹងពាណិជ្ជកម្មជាមួយប្រទេស ដែលត្រូវបានចាត់ទុកថា ជាអរិភាព និងបើកលទ្ធភាព នៃការអនុវត្តទណ្ឌកម្មសេដ្ឋកិច្ច៕