តូក្យូ ៖ ទូរទស្សន៍សិង្ហបុរី Channel News Asia បានផ្សព្វផ្សាយ នៅថ្ងៃទី៦ ខែកញ្ញា ឆ្នាំ២០២២ថា ប្រទេសជប៉ុន នឹងចំណាយប្រាក់ ប្រហែល១,៦៥ពាន់លានយ៉េន ស្មើនឹង១២លានដុល្លារ សម្រាប់ពិធីបុណ្យសព របស់រដ្ឋដែលគ្រោងទុក សម្រាប់អតីតនាយករដ្ឋមន្ត្រី ស៊ិនហ្ស៊ូ អាបេ (Shinzo Abe) នេះបើយោងតាមការប៉ាន់ស្មានជាថ្មី របស់រដ្ឋាភិបាលនៅថ្ងៃអង្គារ នេះដែលរួមមានថ្លៃសន្តិសុខ បូករួមទាំងថ្លៃ ទទួលភ្ញៀវផងដែរ ។
គួររំលឹកថា កាលពីចុងខែសីហា រដ្ឋាភិបាលបានអនុម័តថវិកាតិចតួច ជាង២៥០លានយ៉េនសម្រាប់ពិធីបុណ្យសព ប៉ុន្តែបន្ទាប់មកបានប្រឈមមុខ នឹងការរិះគន់ចំពោះអ្វីដែលចាត់ទុកថា ជាតួលេខមិនប្រាកដប្រជា ដែលមិនរាប់បញ្ចូលការចំណាយច្រើន សម្រាប់សន្តិសុខ និងការទទួលភ្ញៀវ VIP នោះទេ ។
ភ្ញៀវប្រហែល៦.០០០នាក់ រួមទាំងឥស្សរជនបរទេស ត្រូវបានគេរំពឹងថា នឹងចូលរួមក្នុងពិធីនេះដែលនឹងប្រព្រឹត្តទៅនៅថ្ងៃទី ២៧ ខែកញ្ញា នៅសាល Nippon Budokan ទីក្រុងតូក្យូ ។ លោក អាបេ ត្រូវបានគេបាញ់សម្លាប់ ក្នុងអំឡុងពេលបាតុកម្មបោះឆ្នោត កាលពីខែកក្កដា ។
ការប្រឆាំងទៅនឹងសេវាកម្ម ដែលផ្តល់មូលនិធិ ដោយអ្នកបង់ពន្ធសម្រាប់លោក អាបេ ដែលជានាយករដ្ឋមន្ត្រី បានកាន់អំណាចយូរបំផុត ប៉ុន្តែមានការបែកបាក់យ៉ាងខ្លាំង របស់ប្រទេសជប៉ុនបានបន្ត ធ្វើឱ្យកាន់តែធ្ងន់ធ្ងរឡើងៗ ដោយសារការលាតត្រដាង នៃទំនាក់ទំនងសមាជិកបក្ស កាន់អំណាចផ្សេងទៀត របស់គាត់ទៅនឹងសាសនា ចក្របង្រួបបង្រួមដ៏ចម្រូងចម្រាស ។
ការវាយតម្លៃនៃការ យល់ព្រមរបស់នាយករដ្ឋមន្ត្រី Fumio Kishida បានថយចុះដំណាលគ្នា ៕
ប្រែសម្រួលដោយ៖ ម៉ៅ បុប្ផាមករា
