រ៉ូម៖ ការប្រកាសរបស់រុស្ស៊ី ដែលប្រធានាធិបតី លោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយ ស្តីពី ការចល័តដោយផ្នែក បានទាក់ទាញប្រតិកម្មចម្រុះ ពីទីផ្សារអឺរ៉ុប កាលពីថ្ងៃពុធ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ផ្សារហ៊ុនអឺរ៉ុបសំខាន់ៗ បានធ្លាក់ចូលទៅក្នុងទឹកដីអវិជ្ជមាន បន្ទាប់ពីការប្រកាសរបស់រុស្ស៊ី។ តម្លៃឧស្ម័នធម្មជាតិបានកើនឡើង ហើយប្រាក់អឺរ៉ូបានធ្លាក់ចុះធៀប នឹងប្រាក់ដុល្លារអាមេរិក បន្ទាប់មក នៅពេលដែលការជួញដូរ បានរីកចម្រើន ទីផ្សារបានប្រែក្លាយទៅជា លទ្ធផលចម្រុះ។
សន្ទស្សន៍បន្ទះឈីបពណ៌ខៀវ សម្រាប់ផ្សារហ៊ុនប៉ារីស ផ្សារហ៊ុនអ៊ីតាលីនៅទីក្រុង Milan ផ្សារហ៊ុនអាល្លឺម៉ង់នៅទីក្រុង Frankfurt និង Bolsa de Madrid ក្នុងប្រទេសអេស្ប៉ាញ ទាំងអស់បានធ្លាក់ចូលទៅក្នុង ទឹកដីអវិជ្ជមានសម្រាប់ រយៈពេលពេញមួយថ្ងៃ ប៉ុន្តែបន្ទាប់មកបានធូរស្បើយឡើងវិញ។
នៅទីបញ្ចប់ មានតែម៉ាឌ្រីដប៉ុណ្ណោះ ដែលបិទថ្ងៃនៅក្នុងទឹកដីអវិជ្ជមាន ជាមួយនឹងការផ្លាស់ប្តូរផ្សេងទៀត ដែលបញ្ចប់ការជួញដូរជាមួយ នឹងការកើនឡើងតិចតួចពី ០,៥ ភាគរយទៅ ០,៧ ភាគរយ។
យោងតាមសេចក្តីសង្ខេប ដែលបានចេញផ្សាយនៅចុងបញ្ចប់ នៃថ្ងៃជួញដូរនៅទីក្រុង Milan អារម្មណ៍ទាំងមូលរបស់ អ្នកវិនិយោគគឺមានការប្រុងប្រយ័ត្ន។ តម្លៃ ឧស្ម័ន ធម្មជាតិ បាន ឡើង ថ្លៃ ពីរដង ក្នុង ការ ជួញដូរ មុន ពេល ធ្លាក់ ចុះ នៅ ចុង ថ្ងៃ នៅ អឺរ៉ុប។
នៅចុងបញ្ចប់នៃការជួញដូរ ប្រាក់ដុល្លារអាមេរិកមានតម្លៃ ១,០១៣អឺរ៉ូ កើនឡើងពី ១,០០៥ អឺរ៉ូនៅពេលចាប់ផ្តើមវគ្គជួញដូរ។ តម្លៃ ប្រាក់ អឺរ៉ូ បាន លើស ប្រាក់ ដុល្លារ មួយ រយៈ ខ្លី នៅ ដើម សប្តាហ៍ នេះ។
យោងតាមលោក Oliviero Fiorini សេដ្ឋវិទូនៅ ABS Securities នៅទីក្រុង Milan ប្រតិកម្មបន្ទាប់បន្សំរបស់ទីផ្សារ ចំពោះការប្រកាសរបស់លោកពូទីន គឺប្រហែលជាដោយសារតែទីផ្សារ “សង្ឃឹមល្អបំផុត ប៉ុន្តែរំពឹងថាអាក្រក់បំផុត” ពីជម្លោះនៅអ៊ុយក្រែន៕
ប្រែសម្រួល ឈូក បូរ៉ា
