បរទេស៖ សហភាពអឺរ៉ុបកាលពីថ្ងៃម្សិលមិញនេះ បានប្រកាសក្នុងការរៀបចំផែនការ ដាក់ទណ្ឌកម្មថ្មីប្រឆាំង ទៅនឹងប្រទេសបេឡារូស និងប្រទេសអ៊ីរ៉ង់ផងដែរ ដោយសារពួកគេបានជួយគាំទ្រ និងចូលរួមសហការជាមួយ នឹងយោធារុស្សីក្នុងពេលដែលជម្លោះនៅអ៊ុយក្រែន នៅតែបន្តនៅឡើយនោះ។
ប្រធានគណកម្មការអឺរ៉ុបលោកស្រី Ursula von der Leyan បានថ្លែងបញ្ជាក់បែបនេះ ទៅកាន់ក្រុមអ្នកកាសែតបន្ទាប់ពីការចុះហត្ថលេខា លើកិច្ចព្រមព្រៀងថ្មីរវាងណាតូ និងអឺរ៉ុប ហើយបានសង្កត់ធ្ងន់ ទៅលើតែប្រទេសទាំងពីរនេះប៉ុណ្ណោះ ថាជាអ្នកដែលបានជួយគាំទ្ររុស្សីខ្លាំងជាងគេ។
លោកស្រីបានបន្តទៀតដែរថា៖ពួកយើងនឹងបន្តដាក់សំពាធ ទៅលើវិមានក្រមឡាំង ឲ្យបានយូរបំផុតតាមដែលអាចធ្វើទៅបាន តាមរយៈការដាក់ទណ្ឌកម្ម ហើយយើងនឹងបន្តបង្កើនចំនួនទណ្ឌកម្មទាំងនេះ ថែមទៀតទៅកាន់ប្រទេសទាំងឡាយ នាដែលបានចូលរួមសហការ និងគាំទ្ររុស្សី ក្នុងពេលបច្ចុប្បន្ននេះ៕ ប្រែសម្រួល៖ស៊ុនលី
