គៀវ៖ ក្រុមហេគឃ័រដែលកំណត់អត្តសញ្ញាណខ្លួនឯងថា ជាជនជាតិអ៊ុយក្រែន ដែលនិយាយភាសារុស្សីបានលួចចូលគណនី Twitter ស្ថានកុងស៊ុលអាមេរិក ហើយបានចែករំលែកសារប្រឆាំងក្រុងកៀវជាច្រើន រួមទាំងការប្រៀបធៀបប្រទេសទៅនឹងណាស៊ីអាល្លឺម៉ង់ផងដែរ។
ក្រុម Hacker បានចូលកាន់កាប់គណនី Twitter របស់ស្ថានកុងស៊ុលអាមេរិក Milan កាលពីព្រឹកថ្ងៃចន្ទ ម៉ោងក្នុងស្រុក ហើយបានបន្តវាយប្រហារអ៊ុយក្រែន ចំពេលប្រទេសនេះ កំពុងមានសង្រ្គាមជាមួយរុស្ស៊ី។
នៅក្នុងសារមួយមានរូបបណ្ឌិតនៃទង់ជាតិអ៊ុយក្រែនដែលបត់ដើម្បីបង្ហាញបដារបស់ក្រុមណាស៊ីអាល្លឺម៉ង់។ រូបភាពនោះត្រូវបានគេដាក់ចំណងជើងថា “យើងទាំងអស់គ្នាដឹងការពិត”។
ការបង្ហោះដែលត្រូវបានលុបនៅពេលព្រឹកនោះត្រូវបានគេឃើញយ៉ាងហោចណាស់ ១៤៩០០ ដងមុនពេលវាត្រូវបានដកចេញ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Newsweek។
អ្នកនាំពាក្យក្រសួងការបរទេសបានប្រាប់កាសែត Newsweek ថា ធ្វីតធឺត្រូវបានដកចេញយ៉ាងឆាប់រហ័ស ហើយថាសហរដ្ឋអាមេរិកនឹងបន្តគាំទ្រអ៊ុយក្រែន៕ប្រែសម្រួល ឈូក បូរ៉ា
