វ៉ាស៊ីនតោន ៖ រដ្ឋមន្ត្រីការពារជាតិអាមេរិក លោក Lloyd Austin បានជំរុញឱ្យអ៊ីស្រាអែល កាត់បន្ថយភាពតានតឹងនៅតំបន់ West Bank ដែលកំពុងកាន់កាប់ ក្នុងអំឡុងដំណើរទស្សនកិច្ច របស់លោកទៅកាន់ប្រទេស អ៊ីស្រាអែល កាលពីថ្ងៃព្រហស្បតិ៍។
លោកបានធ្វើការកត់សម្គាល់ភ្លាមៗ បន្ទាប់ពីជំនួបរបស់លោកជាមួយ នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ និងរដ្ឋមន្ត្រីក្រសួងការពារជាតិលោក Yoav Gallant នៅអាកាសយានដ្ឋាន Ben Gurion នៅខាងក្រៅទីក្រុងតែលអាវីវ។
លោក Austin បានប្រាប់សន្និសីទសារព័ត៌មានរួម ដែលធ្វើឡើងជាមួយលោក Gallant បន្ទាប់ពីកិច្ចប្រជុំថា “ដូចដែលយើងតែងតែមាន យើងកំពុងអំពាវនាវឱ្យថ្នាក់ដឹកនាំប៉ាឡេស្ទីន ប្រយុទ្ធប្រឆាំងនឹងអំពើភេរវកម្ម និងបន្តកិច្ចសហប្រតិបត្តិការសន្តិសុខ និងថ្កោលទោសការញុះញង់” ។
ក្រសួងការពារជាតិអាមេរិក បានឲ្យដឹងថា “ប៉ុន្តែសហរដ្ឋអាមេរិកក៏នៅតែប្រឆាំងយ៉ាងម៉ឺងម៉ាត់ចំពោះទង្វើណាមួយ ដែលអាចបង្កឱ្យមាន អសន្តិសុខបន្ថែមទៀត រួមទាំងការពង្រីកការតាំងទីលំនៅ និង វោហាសាស្ត្ររលាក។ ហើយយើងមានការរំខាន ជាពិសេសដោយអំពើហិង្សា ពីសំណាក់អ្នកតាំងលំនៅប្រឆាំងនឹងប៉ាឡេស្ទីន” គាត់ត្រូវបានគេដកស្រង់សម្តីដោយបាននិយាយ នៅក្នុងសេចក្តីថ្លែងការណ៍មួយចេញដោយកាសែត”។
លោក Austin កំពុងនិយាយ អំពីការវាយប្រហារ របស់ពួកអ្នកតាំងលំនៅ របស់អ៊ីស្រាអែលប្រឆាំងនឹងប៉ាឡេស្ទីន និងទ្រព្យសម្បត្តិរបស់ពួកគេ នាពេលថ្មីៗនេះ ដែលបានឈានដល់កម្រិត កំពូលក្នុងអំឡុង ពេលនៃការវាយប្រហារដ៏ខ្លាំងក្លាមួយ ដោយអ្នកតាំងលំនៅប្រហែល ៣៥០នាក់នៅលើកោះ Hawara និងទីក្រុង ប៉ាឡេស្ទីន ផ្សេងទៀតនៅជិត Nablus ។ អ្នកតាំងលំនៅបានដុតបំផ្លាញផ្ទះ ឡាន ហាងលក់ទំនិញ និងបសុសត្វជាច្រើន របស់ប៉ាឡេស្ទីន ហើយបុរសប៉ាឡេស្ទីនម្នាក់ ត្រូវបានគេរាយការណ៍ថាបានស្លាប់៕
ប្រែសម្រួល ឈូក បូរ៉ា
