ញូវដេលី៖ នាយកដ្ឋានឧតុនិយមឥណ្ឌា (IMD) បានព្យាករណ៍ពីការកើនឡើងបន្តិចម្តងៗនៃសីតុណ្ហភាពអតិបរមាពី ២ ទៅ ៤ អង្សាសេ លើផ្នែកជាច្រើននៃប្រទេសក្នុងរយៈពេល ៤ ថ្ងៃខាងមុខនេះ។
ប្រភពបានបន្ថែមថាលក្ខខណ្ឌរលកកំដៅទំនងជានៅក្នុងតំបន់ដាច់ស្រយាលនៅលើឆ្នេរសមុទ្រ Gangetic West Bengal និងឆ្នេរសមុទ្រ Odisha ចាប់ពីថ្ងៃព្រហស្បតិ៍ ដល់ថ្ងៃសៅរ៍។
យោងតាម IMD សីតុណ្ហភាពអតិបរិមាគឺស្ថិតនៅក្នុងចន្លោះពី ៣៩-៤១ អង្សាសេនៅផ្នែកខ្លះនៃរដ្ឋ Gujarat និងតិចជាង ៣៩ អង្សាសេនៅផ្នែកផ្សេងទៀតនៃប្រទេស។
កាលពីថ្ងៃច័ន្ទ កន្លែងពីរនៅ Odisha គឺ Jharsuguda និង Baripada បានកត់ត្រាសីតុណ្ហភាពអតិបរមា ៤០.៤ និង ៤០អង្សាសេរៀងៗខ្លួន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
របាយការណ៍ដែលហូរចេញពីរដ្ឋ Odisha ភាគខាងកើតបានឲ្យដឹងថា ការរស់នៅរបស់មនុស្សគ្រប់គ្នា កំបុងប្រឈមនឹងផលវិបាក ដោយសារលក្ខខណ្ឌកំដៅខ្លាំង សម្រាប់ថ្ងៃទីពីរជាប់ៗគ្នាកាលពីថ្ងៃអង្គារ។
IMD នៅដើមខែនេះបានឲ្យដឹងថា ភាគច្រើននៃប្រទេសឥណ្ឌា ដែលរារាំងផ្នែកខ្លះនៃតំបន់ឧបទ្វីប និងភាគពាយ័ព្យ ត្រូវបានគេរំពឹងថា នឹងជួបប្រទះនឹងសីតុណ្ហភាពអតិបរមាលើសពីធម្មតាចាប់ពីខែមេសា ដល់ខែមិថុនា៕ប្រែសម្រួល ឈូក បូរ៉ា
