បរទេស ៖ អាជ្ញាធរបាននិយាយថា យ៉ាងហោចណាស់មនុស្ស ២៣នាក់ ត្រូវបានបាញ់ប្រហារ ដោយក្នុងនោះ ម្នាក់បានស្លាប់នៅព្រឹកថ្ងៃអាទិត្យ អំឡុងពេលការជួបជុំគ្នាមួយនៅចំណតរថយន្តជាយក្រុងទីក្រុង Chicago ដែលបានទាក់ទាញមនុស្សរាប់រយនាក់ដើម្បីប្រារព្ធពិធីបុណ្យ Juneteenth របស់អាមេរិក។
យោងតាមសារព័ត៌មាន VOA ចេញផ្សាយនៅថ្ងៃទី១៨ ខែមិថុនា ឆ្នាំ២០២៣ បានឱ្យដឹងថា វីដេអូព័ត៌មានទូរទស្សន៍បានបង្ហាញពីកន្លែងលក់ទំនិញនៅ Willowbrook ពោរពេញដោយកំទេចកំទី និង ខ្សែរបាំងរបស់ប៉ូលីស ចម្ងាយប្រហែល 20 ជាង ៣២គីឡូម៉ែត្រ ភាគនិរតីនៃទីក្រុង Chicago ។
ការិយាល័យតម្រួតខោនធី DuPage បានពណ៌នាថា វាជា “ការជួបជុំដោយសន្តិភាព” ដើម្បីអបអរសាទរពិធី Juneteenth ប៉ុន្តែភ្លាមៗនោះ វាក៏បានក្លាយទៅជាហិង្សា នៅពេលដែលមនុស្សជាច្រើន បានបាញ់ប្រហារជាច្រើនទៅលើហ្វូងមនុស្សនៅក្នុងពិធីនោះ។
ការិយាល័យតម្រួតបាននិយាយ នៅក្នុងសេចក្តីថ្លែងការណ៍មួយថា យើងដឹងថាជនរងគ្រោះចំនួន ២២ នាក់បានរងរបួស និងជនរងគ្រោះម្នាក់បានស្លាប់ ដោយការបាញ់កាំភ្លើង។ ជនរងគ្រោះជាច្រើននាក់ផ្សេងទៀត បានរងរបួសផងដែរ ខណៈដែលព្យាយាមរត់ចេញ ពីតំបន់នោះ។ អាជ្ញាធរមិនបានបញ្ចេញស្ថានភាព អ្នករងរបួសភ្លាមៗទេ។
មូលហេតុនៃការវាយប្រហារនេះ មិនត្រូវបានគេដឹងភ្លាមៗនោះទេ ហើយក៏មិនមាននរណាម្នាក់ ត្រូវបានចាប់ខ្លួននៅរសៀលថ្ងៃនេះដែរ។ កាសែត Daily Herald បានរាយការណ៍ថា អ្នកនាំពាក្យរបស់ Sheriff លោក Robert Carroll បាននិយាយថា អាជ្ញាធរកំពុងសាកសួរ អ្នកដែលទាក់ទង” នៅក្នុងការបាញ់ប្រហារនេះ ៕
ប្រែសម្រួលៈ ណៃ តុលា
