វ៉ាស៊ីនតោន៖ ទីភ្នាក់ងារព័ត៌មាន Kyodo បានផ្សព្វផ្សាយនៅថ្ងៃទី១៧ ខែកក្កដា ឆ្នាំ២០២៣ថា ប្រភពពីខាងការទូតបានឲ្យដឹងកាលពីថ្ងៃអាទិត្យថា លោក Kevin McCarthy ប្រធានសភាតំណាងរាស្រ្តសហរដ្ឋអាមេរិក កំពុងរៀបចំដំណើរទៅកាន់ប្រទេសជប៉ុននៅដើមខែកញ្ញាខាងមុខនេះ ដើម្បីជួបជាមួយនាយករដ្ឋមន្ត្រី លោក Fumio Kishida និងមន្ត្រីផ្សេងទៀត ដែលធ្វើឱ្យការធ្វើដំណើរនេះក្លាយជាដំណើរទស្សនកិច្ចលើកដំបូង ទៅកាន់ប្រទេសអាស៊ីចាប់តាំងពីចូលកាន់តំណែង ។
លោក McCarthy ត្រូវបានគេរំពឹងថានឹងបញ្ជាក់តាមរយៈកិច្ចប្រជុំជាបន្តបន្ទាប់នៅក្នុងទីក្រុងតូក្យូ រួមទាំងជាមួយសមភាគីរបស់គាត់ Hiroyuki Hosoda កិច្ចសហប្រតិបត្តិការរបស់ប្រទេសទាំងពីរក្នុងការរក្សាសណ្តាប់ធ្នាប់អន្តរជាតិ ដោយផ្អែកលើច្បាប់ចំពេលមានការព្រួយបារម្ភអំពីអាកប្បកិរិយាអះអាងរបស់ចិន និងការឈ្លានពានដែលកំពុងបន្តរបស់រុស្ស៊ី មកកាន់អ៊ុយក្រែន។
លោក McCarthy ដែលត្រូវបានបោះឆ្នោតជាប់កាលពីខែមករា ក៏នឹងចូលរួមកិច្ចប្រជុំសភាតំណាងមកពីក្រុមប្រទេសឧស្សាហកម្មទាំង៧ ហៅកាត់ថា G7 នៅក្នុងអំឡុងពេលដែលពួកគេបានធ្វើការថ្កោលទោសការឈ្លានពានយោធារបស់រុស្ស៊ី និងបានពិភាក្សាអំពីកិច្ចសហការក្នុងចំណោមស្ថាប័ននីតិប្បញ្ញត្តិរបស់ពួកគេ ដើម្បីពង្រឹងលទ្ធិប្រជាធិបតេយ្យផងដែរ ៕ ប្រែសម្រួលដោយ៖ ម៉ៅ បុប្ផាមករា
