បរទេស ៖ ម្ចាស់ភាគហ៊ុនធំនៃសណ្ឋាគារ Bazaar Hotel Bangkok បានដាក់ញត្តិទៅតុលាការ ឱ្យដករូបសំណាក គ្រូ កៃកែវ ដ៏ចម្រូងចម្រាសចេញពីទីតាំងរបស់ខ្លួន ផ្លូវ Ratchadaphisek ។
យោងតាមសារព័ត៌មាន Bangkok Post ចេញផ្សាយនៅថ្ងៃទី២៦ ខែសីហា ឆ្នាំ២០២៣ បានឱ្យដឹងថា កាលពីថ្ងៃសុក្រ លោក Phairoj Thungthong បាននិយាយថា លោកមានភាគហ៊ុន ៨០ភាគរយ នៃក្រុមហ៊ុន Suan Lum Night Bazaar Ratchadapisek Co Ltd ដែលត្រូវបានចុះបញ្ជីក្នុងឆ្នាំ ២០០៩ ជាមួយនឹងដើមទុន ៧៨០ លានបាត។
លោកបានបន្តថា ទោះជាយ៉ាងណាក៏ដោយ ថ្ងៃនេះ ក្រុមហ៊ុនកំពុងស្ថិតក្រោមដំណើរការស្តារឡើងវិញដោយសារផលប៉ះពាល់នៃជំងឺរាតត្បាត Covid-19 ហើយ Chan Tulyapisitchai ដែលកាន់កាប់ភាគហ៊ុន ២០ភាគរយ កំពុងដឹកនាំក្រុមគ្រប់គ្រងថ្មីសម្រាប់ដំណើរការស្តារឡើងវិញ។
ទោះជាយ៉ាងណា លោក Phairoj បាននិយាយថា លោកត្រូវបានហាមមិនឲ្យចូលរួមក្នុងការគ្រប់គ្រង។ លោកថាគឺលោក ចាន់ ដែលបានយករូបសំណាកលោក កៃ កែវ ហើយដាក់រូបនេះនៅមុខសណ្ឋាគារ៕
ប្រែសម្រួលៈ ណៃ តុលា
