បរទេស៖ យន្តហោះចម្បាំង F-35B Lightning II របស់កងម៉ារីនអាមេរិក បានជួបគ្រោះអាសន្នបច្ចេកទេស នៅពាក់កណ្តាលអាកាសពេលកំពុងហោះហើរ ដែលបង្ខំឱ្យអ្នកបើកយន្តហោះចុចកៅអីសុវត្ថិភាពជម្លៀសខ្លួនចេញ ក្នុងអំឡុងពេលហោះហើរជាប្រចាំកាលពីថ្ងៃអាទិត្យ។ អាជ្ញាធរបានស្នើដល់សាធារណជនឲ្យជួយរកទីតាំងយន្តហោះបាត់ខ្លួន ឬកន្លែងធ្លាក់របស់យន្តហោះនោះធ្លាក់។
យោងតាមសារព័ត៌មាន RT ចេញផ្សាយនៅថ្ងៃទី១៨ ខែកញ្ញា ឆ្នាំ២០២៣ បានឱ្យដឹងថា ឧបទ្ទវហេតុនេះបានកើតឡើងនៅម៉ោងប្រហែល ២ រសៀល នៅកន្លែងណាមួយភាគខាងជើងនៃមូលដ្ឋាន ដោយអាជ្ញាធរបាននិយាយថា អ្នកបើកយន្តហោះ “បានចុចកៅអីសុវត្ថិភាពចេញដោយសុវត្ថិភាព” ចេញពី “យន្តហោះ F-35 ដែលបានជាប់ពាក់ព័ន្ធក្នុងឧប្បត្តិហេតុនៅរសៀលនេះ”។
ប្រព័ន្ធផ្សព្វផ្សាយក្នុងស្រុក WLTX បានអះអាងថា អ្នកបើកយន្តហោះបានដាក់យន្តហោះនៅលើប្រព័ន្ធ autopilot មុនពេលចុចកៅអីសុវត្ថិភាពចេញ។ ប្រតិបត្តិការស្វែងរកគឺផ្តោតលើបឹង Moultrie និងបឹង Marion នេះបើយោងតាមអ្នកជំនាញកិច្ចការសាធារណៈរបស់ Charleston លោក Jeremy Huggins ។
មន្ត្រីមូលដ្ឋានរួមគ្នាបានសរសេរនៅក្នុងសារបង្ហោះនៅលើ X (អតីត Twitter) ដោយបន្ថែមថា “ប្រសិនបើនរណាម្នាក់មានព័ត៌មានដែលអាចជួយកំណត់ទីតាំងរបស់យន្តហោះ F-35 អ្នកត្រូវបានស្នើសុំឱ្យហៅទៅកាន់មជ្ឈមណ្ឌលប្រតិបត្តិការការពារមូលដ្ឋាន” ដោយបន្ថែមថាពួកគេកំពុងធ្វើការជាមួយកងម៉ារីន។ កងកម្លាំង Corps និងរដ្ឋបាលអាកាសចរណ៍សហព័ន្ធ ដើម្បីស្វែងរកយន្តហោះដែលបាត់៕ ប្រែសម្រួលៈ ណៃ តុលា
