បរទេស ៖ យោងតាមការចេញផ្សាយរបស់ RT ជំនួយការកំពូល របស់នាយករដ្ឋមន្ត្រី ហុងគ្រី លោក Viktor Orban បានប្រតិកម្មកាលពីថ្ងៃចន្ទម្សិលមិញនេះ ចំពោះការអត្ថាធិប្បាយ របស់អតីតប្រធានសភា អាមេរិក Nancy Pelosi ដែលថាប្រទេស របស់គាត់មិន គួរជាផ្នែក នៃសហភាពអឺរ៉ុបទេ។
Balasz Orban បានសរសេរនៅលើ X ថា៖ជាសំណាងល្អ នៅក្នុងប្រទេសហុងគ្រី វាគឺជាប្រជាជនហុងគ្រីដែលសម្រេចចិត្ត និងបោះឆ្នោតលើអនាគត របស់ពួកគេ ហើយគ្មាននរណាម្នាក់ និយាយនៅក្នុងរឿងនេះទេ សូម្បីតែអ្នកប្រជាធិបតេយ្យ ក៏ដោយ ។
ពាក្យរិះគន់ខ្លាំងៗរបស់លោកស្រី Pelosi បានកើតឡើងក្នុងអំឡុងពេលបទសម្ភាសន៍ ជាមួយកាសែតប្រចាំថ្ងៃអ៊ីតាលី Corriere della Sera ដែលបានបោះពុម្ពកាលពីព្រឹកថ្ងៃចន្ទ ក្នុងបរិបទ នៃសំណួរអំពីរដ្ឋាភិបាល នៅទីក្រុងរ៉ូម។
លោកស្រី Pelosi បាននិយាយថា ៖ មានសមាជិកសហភាព អឺរ៉ុបផ្សេងទៀត ដែលធ្វើមិនបានល្អជាមួយរឿង មួយឬមួយផ្សេងទៀត។ ខ្ញុំមិនគិតថាហុងគ្រីគួរនៅក្នុងសហភាព អឺរ៉ុបនៅថ្ងៃនេះទេ ប៉ុន្តែពេលដែលពួកគេចូលទៅ វាពិបាកក្នុងការដកពួកគេ ចេញមកវិញណាស់ ។
គួរឲ្យដឹងដែរថា លោកស្រី Pelosi រូបនេះក៏ធ្លាប់បានរិះគន់នាយករដ្ឋមន្ត្រីអ៊ីតាលី Giorgia Meloni ចំពោះគោលនយោបាយ អន្តោប្រវេសន៍ និង LGBT របស់នាង ដែលផ្ទុយនឹងគណបក្ស កាន់អំណាច របស់អាមេរិកផងដែរ ៕
ប្រែសម្រួល៖ស៊ុនលី
