បរទេស៖ យោងតាមការចេញផ្សាយរបស់ RT អ៊ុយក្រែនអាចនឹងកំពុងប្រមូលកម្លាំង ដើម្បីបើកការវាយលុកថ្មីនៅឆ្នាំ ២០២៤ បន្ទាប់ពីការជំរុញលើកដំបូងរបស់ខ្លួន ដែលបានចាប់ផ្តើមក្នុងរដូវក្តៅនេះ បានបរាជ័យក្នុងការបំបែកបន្ទាត់ជួរមុខ របស់ប្រទេសរុស្ស៊ី។
នៅក្នុងបទសម្ភាសន៍ ជាមួយកាសែតអាល្លឺម៉ង់ ប្រចាំថ្ងៃ លោក Nico Lange អតីតមន្ត្រីការពារជាតិអាល្លឺម៉ង់ ដែលបច្ចុប្បន្នជាសហការីជាន់ខ្ពស់ នៅសន្និសីទសន្តិសុខទីក្រុង Munich បានលើកឡើងថា ទោះបីជាមានការកើនឡើង ទុទិដ្ឋិនិយម នៅលោកខាងលិច អំពីវឌ្ឍនភាពរបស់អ៊ុយក្រែន លើសមរភូមិក៏ដោយ ក៏ទីក្រុងគៀវ នៅតែរក្សាបាននូវបរិមាណសមរម្យ ទាំងគ្រឿងបរិក្ខារយោធា ជាមួយនឹងការចែកចាយបន្ថែមទៀតដែលរំពឹងថានឹង មកដល់ពីលោកខាងលិច នៅបេលខាងមុខនេះឆាប់ៗនេះ។
អ្នកជំនាញបានស្នើថា៖ អ៊ុយក្រែន ប្រហែលជាកំពុងប្រមូលធនធាន សម្រាប់ការវាយលុកថ្មីនៅឆ្នាំក្រោយដោយបន្ថែមថា ទីក្រុងគៀវអាចចាប់ផ្តើមប្រតិបត្តិការថ្មីនៅក្នុងតំបន់ Kherson និងការប៉ុនប៉ងព្យាយាមឆ្លងកាត់ទន្លេ Dniepr ជាដើម។
ទន្ទឹមនឹងនេះ របាយការណ៍បានកត់សម្គាល់ថាអ៊ុយក្រែននៅតែមានផែនការធំ ដោយពន្យល់ថាសេចក្តីប្រាថ្នាទាំងនោះត្រូវបានបង្ហាញដោយបញ្ជីចង់បានរបស់ទីក្រុងគៀវដែលបានដាក់ជូនសហរដ្ឋអាមេរិក ដែលរួមមានឧទ្ធម្ភាគចក្រវាយប្រហារ យន្តហោះចម្បាំងទំនើប ប្រព័ន្ធមីស៊ីលរយៈចម្ងាយឆ្ងាយ រថក្រោះ Abrams និងឧបករណ៍ផ្សេងៗទៀតផងដែរ៕
ប្រែសម្រួល៖ស៊ុនលី
