ភ្នំពេញ៖ បណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម នៅថ្ងៃទី១៥ ខែធ្នូ ឆ្នាំ២០២៣ បានអនុញ្ញាតឱ្យសមាគមអ្នកចិញ្ចឹមសត្វកម្ពុជាមានលោក លី ឡាវីល ជាប្រធានក្រុមប្រឹក្សាភិបាល, លោក ប៊ុន ហៀង ជាអនុប្រធានក្រុមប្រឹក្សាភិបាល, លោក ស្រ៊ុន ពៅ ជាប្រធានសមាគមនិងសហការី ចូលជួបពិភាក្សាការងារ។
ក្នុងជំនួបនៃកិច្ចពិភាក្សានេះ គឺផ្តោតសំខាន់លើ “ផលប៉ះពាល់ក្នុងវិស័យចិញ្ចឹមសត្វប្រទេសកម្ពុជា រួមមានការចិញ្ចឹមជ្រូក, គោ មាន់ និងការចិញ្ចឹមត្រី” ដែលបណ្តាលមកពីការនាំសាច់បង្កក ពីក្រៅប្រទេស។ ទន្ទឹមនឹងនេះអ្នកតំណាងសមាគមអ្នកចិញ្ចឹមសត្វកម្ពុជា បានស្នើសុំកិច្ចអន្តរាគមន៍ពី អេ អ ឌី ប៊ី ដើម្បីចូលរួមក្នុងការដោះស្រាយ បញ្ហាប្រឈមដែលបានលើកឡើង។
