តូក្យូ៖ ជាង ៧០ ភាគរយនៃក្រុមហ៊ុនជប៉ុនធំៗរំពឹងថា សេដ្ឋកិច្ចក្នុងស្រុកនឹងកើនឡើង នៅឆ្នាំ២០២៤ ដោយជឿថា ការចំណាយលើអ្នកប្រើប្រាស់រឹងមាំ និងដើមទុនត្រូវបានកំណត់ ដើម្បីយកឈ្នះលើផលប៉ះពាល់នៃអតិផរណា នេះបើតាមការស្ទង់មតិរបស់កាសែតក្យូដូ បានបង្ហាញកាលពីថ្ងៃអង្គារ ដោយគូសបញ្ជាក់ពីអារម្មណ៍សាជីវកម្ម ដែលមានសុទិដ្ឋិនិយមជាងឆ្នាំមុន។
នៅក្នុងការស្ទង់មតិរបស់ក្រុមហ៊ុនចំនួន ១១៣ រួមទាំងក្រុមហ៊ុន Toyota Motor Corp. និង SoftBank Group Corp., ចំនួន ៧២ ភាគរយបានឲ្យដឹងថា ពួកគេរំពឹងថានឹងមានកំណើនមធ្យម និង ១ ភាគរយមើលឃើញការពង្រីកដ៏រឹងមាំនៅឆ្នាំ២០២៤។
ចំនួន ៧៣ ភាគរយរួមបញ្ចូលគ្នា គឺខ្ពស់ជាងឆ្នាំមុននៅពេលដែល ៥៦ ភាគរយបានឲ្យដឹងថា ពួកគេរំពឹងថានឹងមានកំណើនមធ្យម ឬរឹងមាំទោះបីជាការកើនឡើងនៃវត្ថុធាតុដើម និងតម្លៃថាមពលត្រូវបានបង្ហាញជា កត្តាហានិភ័យដ៏សំខាន់ក៏ដោយ។
ទិដ្ឋភាពល្អប្រសើរស្របគ្នា នឹងការព្យាករណ៍កំណើន របស់អង្គការសហប្រតិបត្តិការសេដ្ឋកិច្ច និងអភិវឌ្ឍន៍សម្រាប់ប្រទេសជប៉ុន ១ ភាគរយក្នុងឆ្នាំ២០២៤ ដែលជាល្បឿនយឺតជាង ១,៧ ភាគរយដែលបានប៉ាន់ប្រមាណ សម្រាប់ឆ្នាំ២០២៣។
នៅក្នុងកម្រងសំណួរពហុជ្រើសរើស ដែលសួរថាហេតុអ្វីបានជាក្រុមហ៊ុនរំពឹងថា នឹងមានកំណើន អ្នកឆ្លើយសំណួរ ៨៥ ភាគរយដែលព្យាករណ៍ពីការ ពង្រីកសេដ្ឋកិច្ចបានលើកឡើងពីការ ស្ទុះងើបឡើងវិញនៃការប្រើប្រាស់ឯកជន និង ៦៥ ភាគរយបានចង្អុលបង្ហាញពី ការចំណាយដោយការកើនឡើង នៃចំនួនភ្ញៀវបរទេស។
ប្រហែល ៦២ ភាគរយបានឲ្យដឹងថា ការចំណាយដើមទុនគួរតែកើនឡើង។ ឧទាហរណ៍ នៅក្នុងវិស័យ semiconductor ក្រុមហ៊ុន Taiwan Semiconductor Manufacturing Co. កំពុងសាងសង់រោងចក្រតម្លៃ ៨,៦ ពាន់លានដុល្លារនៅក្នុងខេត្ត Kumamoto និង Rapidus Corp. គ្រោងនឹងសាងសង់រោងចក្រ ផលិតបន្ទះឈីបទំនើបនៅហុកកៃដូ ៕
ប្រែសម្រួល ឈូក បូរ៉ា
