បរទេស៖ គណបក្សរបស់លោក Imran Khan កាលពីថ្ងៃសុក្រ បានបញ្ចេញនូវអ្វីដែលខ្លួន បាននិយាយថាជា “សុន្ទរកថាជ័យជំនះ” ដោយអតីតនាយករដ្ឋមន្ត្រី ប៉ាគីស្ថាន ដែលកំពុងជាប់ពន្ធនាគារ ដោយប្រើសំឡេង ដែលបង្កើតដោយកុំព្យូទ័រ ឬ AI ដើម្បីក្លែងបន្លំថា លោក Khan ។
យោងតាមសារព័ត៌មាន VOA ចេញផ្សាយនៅថ្ងៃទី៩ ខែកុម្ភៈ ឆ្នាំ២០២៤ បានឱ្យដឹងថា សំឡេងដែលបង្កើតដោយ AI របស់លោក Khan បាននិយាយថា “ខ្ញុំសូមអបអរសាទរអ្នកទាំងអស់គ្នាសម្រាប់ជ័យជំនះក្នុងការបោះឆ្នោតឆ្នាំ២០២៤ របស់អ្នក។ ខ្ញុំមានទំនុកចិត្តពេញទំហឹងថាអ្នកទាំងអស់គ្នានឹងចេញមកបោះឆ្នោត…ហើយចំនួនអ្នកចូលរួមយ៉ាងច្រើនសន្ធឹកសន្ធាប់បានធ្វើឲ្យអ្នករាល់គ្នាស្រឡាំងកាំង»។
លទ្ធផលផ្លូវការពីការបោះឆ្នោតកាលពីថ្ងៃព្រហស្បតិ៍បានបង្ហាញថា បេក្ខជនមួយក្រុមដែលមានទំនាក់ទំនងជាមួយគណបក្សប្រឆាំងរបស់ Khan គឺ Pakistan Tehreek-e-Insaf ឬ PTI បានអះអាងពីចំនួនអាសនៈសភាច្រើនជាងគេ។ប៉ុន្តែយ៉ាងណាក៏ដោយ លទ្ធផលបានធ្លាក់ចុះបន្ទាប់ពីមានការពន្យារពេល យ៉ាងយូរខុសប្រក្រតី និងចំពេលមានការចោទប្រកាន់ថា ពួកគេកំពុងត្រូវបានគេរៀបចំ ដើម្បីជួយដល់គណបក្សដែលគាំទ្រ ដោយយោធា៕
ប្រែសម្រួលៈ ណៃ តុលា
