សភាតំណាងរាស្រ្តអាមេរិក បោះឆ្នោតចោទប្រកាន់រដ្ឋមន្ត្រីសន្តិសុខមាតុភូមិ ជុំវិញការហូរចូលយ៉ាងច្រើនរបស់ជនភៀសខ្លួនខុសច្បាប់ នៅព្រំដែនជាមួយម៉ិកស៊ិក

បរទេស៖ សភាតំណាងរាស្រ្តអាមេរិកបានបោះឆ្នោតចោទប្រកាន់រដ្ឋមន្ត្រីសន្តិសុខមាតុភូមិអាមេរិក គឺលោក Alejandro Mayorkas ដោយចោទប្រកាន់លោកថា មិនបានដោះស្រាយជាមួយនឹងការហូរចូលនៃជនចំណាកស្រុកដោយខុសច្បាប់ឆ្លងកាត់ព្រំដែនជាមួយម៉ិកស៊ិក។

យោងតាមសារព័ត៌មាន RT ចេញផ្សាយនៅថ្ងៃទី១៤ ខែកុម្ភៈ ឆ្នាំ២០២៤ បានឱ្យដឹងថា សំណើដើម្បីនាំយកការចោទប្រកាន់លើការចោទប្រកាន់ប្រឆាំងនឹងលោក Mayorkas បានអនុម័តនៅក្នុងការបោះឆ្នោត ២១៤ ទល់នឹង ២១៣ នៅថ្ងៃអង្គារដោយមានតែតំណាងរាស្រ្តគណបក្សសាធារណរដ្ឋចំនួនបីនាក់ប៉ុណ្ណោះដែលចូលរួមជាមួយគណបក្សប្រជាធិបតេយ្យទាំងអស់ក្នុងការបោះឆ្នោតប្រឆាំងនឹងវិធានការនេះ។

នៅក្នុងសំណើដែលមាន ២២ ទំព័រ សមាជិកសភាបាននិយាយថា លោក Mayorkas បានបដិសេធមិនគោរពតាមសេចក្តីសម្រេចរបស់តុលាការសហព័ន្ធទាក់ទងនឹងវិបត្តិព្រំដែន ដោយនិយាយថា លោកទទួលខុសត្រូវចំពោះការកើនឡើងដ៏ច្រើននៃជនភៀសខ្លួននៅព្រំដែនភាគខាងត្បូង។ ឯកសារនេះក៏បានចោទប្រកាន់មន្ត្រីរូបនេះថា បានបំភាន់សភាដោយអះអាងថាគាត់បាន “បង្ហាញថាគាត់នឹងនៅតែជាការគំរាមកំហែងដល់សន្តិសុខជាតិ និងព្រំដែន” និង “បានប្រព្រឹត្តក្នុងលក្ខណៈមិនស៊ីសង្វាក់គ្នានឹងកាតព្វកិច្ច និងនីតិរដ្ឋ”៕ ប្រែសម្រួលៈ ណៃ តុលា