បរទេស៖ យោងតាមកាចេញផ្សាយរបស់ RT កសិករបារាំងបានសម្រុកចូល ទៅក្នុងពិព័រណ៍កសិដ្ឋានដ៏ធំ នៅទីក្រុងប៉ារីស កាលពីថ្ងៃសៅរ៍មុនដំណើរទស្សនកិច្ច របស់ប្រធានាធិបតី Emmanuel Macron ហើយបានធ្វើឲ្យមានការប៉ះទង្គិច ជាមួយប៉ូលីសកុបកម្មទៀតផង។
ប្រភពដដែល បានដកស្រង់ព័ត៌មានថា ពួកបាតុករបានតវ៉ានឹង បទប្បញ្ញត្តិបរិស្ថាន របស់សហភាពអឺរ៉ុប ដែលរឹតត្បិតក៏ដូចជា ការដំឡើងថ្លៃនិងពន្ធជាដើម។
វីដេអូដែលបានចែករំលែក នៅលើប្រព័ន្ធផ្សព្វផ្សាយសង្គម បង្ហាញពីកសិករស្រែកថា៖ លោក Macron លាលែងពីតំណែងទៅ! ខណៈដែលពួកគេព្យាយាម រុញតាមជួរប៉ូលិសកុប្បកម្ម ខណៈដែលនៅក្នុងព្រះពន្លា នៃពិព័រណ៍នោះរួចហើយ។នេះជាផ្ទះរបស់យើង! ពួកគេក៏ត្រូវបានគេឮស្រែក ខណៈដែលកំពុងប្រឈមមុខនឹងមន្ត្រីដែលប្រើឧបករណ៍ ដើម្បីការពារកុបកម្ម។
ការប៉ះទង្គិចគ្នា មានទាំងការវាយតប់គ្នាយ៉ាងហឹង្សា ដោយមានកសិករ បុគ្គលិកយុត្តិធម៌ និងប៉ូលីសបានរុញ និងទាត់គ្នាទៅវិញទៅមក។ ក្រុមបាតុករបានវាយបំបែកជួរប៉ូលិស។ ឃ្លីបមួយបង្ហាញពីក្រុមបាតុករ ដែលកំពុងវាយកម្ទេចចោល នូវអ្វីដែលគេអះអាងថាជាជំហរ របស់សហភាពអឺរ៉ុប ដែលរៀបចំសម្រាប់ការតាំងពិព័រណ៍នេះ ផងដែរ៕
ប្រែសម្រួល៖ស៊ុនលី
