វូហាន៖ ប្រធានាធិបតីចិនលោក ស៊ី ជីនពីង នៅថ្ងៃអង្គារនេះ បានធ្វើដំណើរទៅកាន់មន្ទីរពេទ្យ Huoshenshan បន្ទាប់ពីបានទៅដល់ទីក្រុងវូហាន ដែលជាចំណុចកណ្តាលនៃ ការផ្ទុះឡើងនៃជំងឺរលាកសួតធ្ងន់ធ្ងរកូវីដ១៩ បង្កឡើងដោយវីរុសកូរ៉ូណា ដើម្បីត្រួតពិនិត្យ។
យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១០ ខែមីនា ឆ្នាំ២០២០ បានឱ្យដឹងថា លោកស៊ី ដែលជាអគ្គលេខាធិការនៃ គណៈកម្មាធិការមជ្ឈិមបក្សកុម្មុយនិស្តចិន និងជាប្រធានគណៈកម្មាធិការយោធាមជ្ឈិម ក៏បានសិក្សាអំពីប្រតិបត្តិការមន្ទីរពេទ្យ ការព្យាបាលអ្នកជំងឺ ការការពារបុគ្គលិកពេទ្យ និងការស្រាវជ្រាវវិទ្យាសាស្ត្រនៅទីនោះ ៕
ប្រែសម្រួលៈ ណៃ តុលា
