បរទេស៖ នាយករដ្ឋមន្ត្រីថៃ លោក សេដ្ឋា ថាវីស៊ីន បាននិយាយនៅថ្ងៃពុធថា លោកនឹងផ្អាកការធ្វើដំណើរ ទៅក្រៅប្រទេសរយៈពេលពីរខែ ខណៈដែលការរិះគន់ជាសាធារណៈ ចំពោះដំណើរទស្សនកិច្ច របស់លោកនៅក្រៅប្រទេសកើនឡើង ។
យោងតាមសារព័ត៌មាន Reuters ចេញផ្សាយនៅថ្ងៃទី២០ ខែមីនា ឆ្នាំ២០២៤ បានឱ្យដឹងដោយផ្អែក តាមការលើកឡើង របស់លោក សេដ្ឋា ថាវីស៊ីនថា “ខ្ញុំទទួលស្គាល់មតិ និងកង្វល់របស់អ្នក។ ចាប់ពីថ្ងៃទី ១៤ ខែមីនា ដល់ថ្ងៃទី ១៥ ឧសភា ខ្ញុំនឹងមិនធ្វើដំណើរទស្សនកិច្ចទៅក្រៅប្រទេសនោះទេ”។
លោក សេដ្ឋា ថាវីស៊ីន បានចំណាយពេល ប្រហែលមួយ ភាគបីនៃរយៈពេលប្រាំមួយខែ របស់លោកនៅក្នុងការិយាល័យ នៅក្រៅប្រទេស ដើម្បីជំរុញការវិនិយោគ នៅក្នុងប្រទេសថៃ ដែលថ្មីៗនេះភាគច្រើននៅឯពិព័រណ៍ ទេសចរណ៍នៅទីក្រុងប៊ែរឡាំង ប្រទេសអាល្លឺម៉ង់។ ប៉ុន្តែដំណើរជុំវិញពិភពលោក របស់លោក សេដ្ឋា បានទាក់ទាញ ចំណាប់អារម្មណ៍ ចំពោះការមិនផ្តោតលើបញ្ហា ក្នុងស្រុកដូចជាការបំពុល ខ្យល់នៅទីក្រុងជាដើម។
ព្រឹទ្ធសមាជិក របស់ថៃ លោក Somchai Sawangkarn បានបង្ហោះនៅលើ X ក្នុងខែនេះថា “កំណត់ត្រាថ្មីមួយរយៈពេល ៦ ខែក្នុងនាមជា នាយករដ្ឋមន្ត្រីនៅបរទេសក្នុង ១៦ ប្រទេស” ។ “តើមានលទ្ធផលទេ? ហោះហើរនៅទីនេះ ហោះហើរនៅទីនោះ៕
ប្រែសម្រួលៈ ណៃ តុលា
