បរទេស ៖ យោងតាមការចេញផ្សាយរបស់ RT លោក Vyacheslav Gladkov អភិបាលក្រុងក្នុងតំបន់ Belgorodនិយាយកាលពីថ្ងៃសៅរ៍ថា កងកម្លាំងរបស់អ៊ុយក្រែន បានបើកការវាយប្រហារ ដល់តំបន់ Belgorod ព្រំដែនរបស់ប្រទេសរុស្ស៊ីម្តងទៀត ជាមួយនឹងយន្តហោះគ្មានមនុស្ស បើកនិងដោយបាន សម្លាប់មនុស្សម្នាក់ និងរបួសពីរនាក់ទៀត។
លោក Gladkov បានសរសេរនៅលើបណ្តាញ Telegram របស់គាត់ដោយបញ្ជាក់ថា យើងមានពេលព្រឹកដ៏ក្រៀមក្រំមួយហើយ យន្តហោះគ្មានមនុស្សបើកបានវាយប្រហារសង្កាត់ Stary Oskol និង Chernyansky ហើយរដ្ឋធានីក្នុងតំបន់នោះ Belgorod ត្រូវបានវាយប្រហារ ដោយកាំភ្លើងធំ ដែលបណ្តាលឱ្យខូចខាតផ្ទះឯកជន និងផ្ទះល្វែង អគារ និងចំនួនអ្នកស្លាប់ និងរបួសក្នុងចំនួនមិនទាន់ច្បាស់មួយ ។
លោកអភិបាលក្រុង បានសរសេរទៀតថា៖ឥឡូវនេះទិន្នន័យកំពុងត្រូវបានបញ្ជាក់ច្បាស់ ខ្ញុំពិតជានឹងជម្រាបជូនអ្នកនៅពេលក្រោយហើយសំណង់ និងសេវាសង្គ្រោះ បន្ទាន់ទាំងអស់កំពុងដំណើរ ការនៅកន្លែងកើតហេតុ និងមានអគ្គីភ័យ ជាពិសេសនៅអគារលំនៅដ្ឋានឯកជនមួយមួយផងដែរ។
ទន្ទឹមនឹងនេះ ក្រសួងការពារជាតិរុស្ស៊ី បានរាយការណ៍នៅព្រឹកថ្ងៃសុក្រថា ខ្លួនបានបញ្ឈប់ការប៉ុនប៉ងជាច្រើន ដោយទីក្រុងគៀវ ដើម្បីអនុវត្តការវាយប្រហារ ភេរវករដោយប្រើ ដ្រូន UAVs ប្រភេទយន្តហោះ ហើយប្រព័ន្ធការពារដែនអាកាស បានស្ទាក់ចាប់យន្តហោះគ្មាន មនុស្សបើក ចំនួន១២គ្រឿង លើទឹកដីរុស្ស៊ីមួយ ចំនួនដូចជា Bryansk, Belgorod, Voronezh និង Saratov៕
ប្រែសម្រួល៖ស៊ុនលី
