បរទេស ៖ មន្រ្តីរដ្ឋាភិបាលកូរ៉េខាងត្បូង បាននិយាយកាលពីថ្ងៃពុធថា ប្រទេសកូរ៉េខាងត្បូង នឹងដំណើរការប្រព័ន្ធមួយ ដើម្បីគាំទ្រដល់ការស៊ើបអង្កេត រោគរាតត្បាតរបស់មនុស្ស ដែលឆ្លងមេរោគកូវីដ១៩ ដោយប្រើប្រាស់បច្ចេកវិទ្យាទំនើប ៗ ជាច្រើន។
យោងតាមសារព័ត៌មាន យ៉ុនហាប់ ចេញផ្សាយកាលពីថ្ងៃទី១១ ខែមីនា ឆ្នាំ២០២០ បានឱ្យដឹងថា ប្រព័ន្ធនេះ មានគោលបំណងជួយអ្នកស៊ើបអង្កេត ផ្នែកសុខភាពឱ្យពិនិត្យមើលទិន្នន័យផ្សេងៗ ដូចជាការតាមដានកាមេរ៉ា និងការធ្វើប័ណ្ណឥណទាន របស់អ្នកជំងឺកូវីដ ដែលត្រូវបានបញ្ជាក់ឱ្យប្រើប្រាស់ ដើម្បីការពារផ្លូវរបស់ពួកគេ។
ប្រព័ន្ធនេះសហការបង្កើត ដោយក្រសួងវិទ្យាសាស្ត្រ និងបច្ចេកវិទ្យាព័ត៌មានវិទ្យា, ក្រសួងដែនដីហេដ្ឋារចនាសម្ព័ន្ធ និងដឹកជញ្ជូន និងមជ្ឈមណ្ឌលកូរ៉េ សម្រាប់ការត្រួតពិនិត្យ និងការពារជំងឺ (KCDC) ដែលនឹងចាប់ផ្តើមនៅថ្ងៃច័ន្ទ។
ប្រព័ន្ធនេះផ្អែកលើកម្មវិធី ដែលគេហៅថា មជ្ឈមណ្ឌលទិន្នន័យទីក្រុងវៃឆ្លាត ដែលកំពុងត្រូវបានអភិវឌ្ឍ ដោយរដ្ឋាភិបាលកណ្តាល និងសាលាលក្រុងដាហ្គូ ដែលជាចំណុចកណ្តាល នៃការផ្ទុះឡើងនៃវីរុសនេះ។
រដ្ឋមន្ត្រីក្រសួងដឹកជញ្ជូន ហេដ្ឋារចនាសម្ព័ន្ធនិងដឹកជញ្ជូន នឹងគាំទ្រដល់ អាជ្ញាធរសុខាភិបាលយ៉ាងសកម្ម ក្នុងការទប់ស្កាត់ការរីករាលដាល នៃវីរុសកូវីដ – ១៩ ដោយប្រើប្រាស់ បច្ចេកវិទ្យាទីក្រុងឆ្លាតជាច្រើន។
កាលពីមុនអ្នកស៊ើបអង្កេតរបស់ KCDC ត្រូវស្នើសុំទិន្នន័យសំខាន់ៗ ដូចជាការថតវីដេអូCCTV និងប្រតិបត្តិការកាតឥណទាន របស់អ្នកជំងឺ ដែលបានបញ្ជាក់ ពីការស៊ើបអង្កេតរបស់ប៉ូលិស ដែលបណ្តាលឱ្យមានការពន្យារពេល ក្នុងការស៊ើបអង្កេតរោគរាតត្បាត។
ប្រព័ន្ធថ្មីនេះអនុញ្ញាត ឱ្យមានទិន្នន័យផ្សេងៗគ្នា នៃអ្នកជំងឺដែលត្រូវបានបញ្ជាក់ អោយធ្វើការវិភាគ និងផ្តល់អោយ អ្នកស៊ើបអង្កេតសុខភាពភ្លាមៗ៕ ប្រែសម្រួលៈ ណៃតុលា
