យូអិន៖ មហាសន្និបាតអង្គការ សហប្រជាជាតិ នឹងបន្តសម័យប្រជុំពិសេស បន្ទាន់លើកទី១០ (ESS) របស់ខ្លួនឡើងវិញ នៅថ្ងៃទី១០ ខែឧសភា បន្ទាប់ពីការដេញ ថ្លៃសមាជិកភាព អង្គការសហប្រជាជាតិ របស់ប៉ាឡេស្ទីន ត្រូវបានរារាំង ដោយសហរដ្ឋអាមេរិកនៅ ឯក្រុមប្រឹក្សាសន្តិសុខ កាលពីខែមេសា។
លោកស្រី Monica Grayley អ្នកនាំពាក្យរបស់ឲ្យដឹងថា ប្រធានមហាសន្និបាតអង្គការសហប្រជាជាតិ លោក Dennis Francis បានជូនដំណឹងដល់រដ្ឋសមាជិកថា លោកនឹងកោះប្រជុំពេញអង្គនៃ ESS នៅថ្ងៃទី១០ ខែឧសភា។
នៅក្នុងលិខិតចុះថ្ងៃទី២៦ ខែមេសា លោក Francis បានប្រាប់រដ្ឋសមាជិកថា ការបន្តនៃ ESS ត្រូវបានស្នើសុំដោយ អារ៉ាប៊ីសាអូឌីត ម៉ូរីតានី និងអ៊ូហ្គង់ដា ក្នុងសមត្ថភាពរៀងៗ ខ្លួនជាប្រធានក្រុមអារ៉ាប់ ប្រធានអង្គការនៃក្រុម សហប្រតិបត្តិការអ៊ីស្លាម និងជាប្រធាននៃ ការិយាល័យសម្របសម្រួល នៃចលនាមិនចូលបក្សសម្ព័ន្ធ។
សហរដ្ឋអាមេរិកកាលពីថ្ងៃទី១៨ ខែមេសា បានវេតូលើសេចក្តីព្រាង សេចក្តីសម្រេច របស់ក្រុមប្រឹក្សាសន្តិសុខ ដែលនឹងផ្តល់អនុសាសន៍ដល់មហាសន្និបាតប៉ាឡេស្ទីន ឲ្យចូលជាសមាជិកពេញ សិទ្ធិរបស់អង្គការសហប្រជាជាតិ។
លោក Riyad Mansour អ្នកសង្កេតការណ៍ អចិន្ត្រៃយ៍ របស់ប៉ាឡេស្ទីនប្រចាំអង្គការ សហប្រជាជាតិ បានសម្តែងក្តីសង្ឃឹម ថា មហាសន្និបាតនឹងស្នើឱ្យក្រុមប្រឹក្សាសន្តិសុខ ពិចារណាឡើងវិញនូវបញ្ហានៅ ESS៕
ប្រែសម្រួល ឈូក បូរ៉ា
