ហ្គាហ្សា៖ កាលពីថ្ងៃអង្គារ ក្រុមចលនាតស៊ូឥស្លាម ដែលគេហៅថា (ហាម៉ាស់) បានអំពាវនាវឱ្យរដ្ឋបាលសហរដ្ឋអាមេរិក និងសហគមន៍អន្តរជាតិ ដាក់សម្ពាធលើអ៊ីស្រាអ៊ែល ឱ្យបញ្ឈប់ការវាយលុក ច្រកព្រំដែនក្រុង Rafah ដែលជាប់ជាមួយ ប្រទេសអេហ្ស៊ីប។
ក្រុមហាម៉ាស់បានឲ្យដឹងនៅ ក្នុងសេចក្តីថ្លែងការណ៍មួយថា ការវាយប្រហារនេះគឺជាការកើនឡើង ដ៏គ្រោះថ្នាក់មួយប្រឆាំង នឹងកន្លែងជនស៊ីវិលដែលត្រូវបានការពារ ដោយច្បាប់អន្តរជាតិ ក្នុងគោលបំណងធ្វើឱ្យស្ថានការណ៍ មនុស្សធម៌កាន់តែធ្ងន់ធ្ងរនៅក្នុងទីតាំងនេះ ដោយបិទច្រក និងរារាំងលំហូរនៃជំនួយសង្គ្រោះ បន្ទាន់តាមរយៈច្រកនេះទៅកាន់ពលរដ្ឋ ដែលត្រូវបានឡោមព័ទ្ធរបស់យើង ។
ក្រុមហាម៉ាសបានឲ្យដឹងទៀតថា ការកើនឡើងនេះគំរាមកំហែង ដល់អាយុជីវិតរបស់ជនស៊ីវិល រាប់សែននាក់ដែលភៀសខ្លួននៅក្នុងទីក្រុង Rafah និងតំបន់ហ្គាហ្សា ស្ទ្រីប ទាំងមូល។
យោធាអ៊ីស្រាអ៊ែល បានឲ្យដឹងកាលពីថ្ងៃអង្គារថា ខ្លួនបានគ្រប់គ្រងផ្នែកខាងហ្គាហ្សា នៃច្រកព្រំដែន Rafah ក្នុងការវាយប្រហារមួយយប់ ។ ផ្លូវឆ្លងកាត់ដែលបានបម្រើជាផ្លូវឆ្លង កាត់សម្រាប់ជំនួយមនុស្សធម៌ ពីប្រទេសអេហ្ស៊ីបទៅកាន់ តំបន់ហ្គាហ្សាដែលហែកហួរ ដោយសង្រ្គាមនោះ ត្រូវបានបិទដំណើរការហើយ ៕
ប្រែសម្រួលដោយ៖ ម៉ៅ បុប្ផាមករា
