បរទេស ៖ យោងតាមការចេញផ្សាយរបស់ RT លោក Vladimir Zelensky បានប្រាប់កាសែត New York Times ថា សហរដ្ឋអាមេរិក និងសម្ព័ន្ធមិត្តគួរតែបាញ់ ទម្លាក់មីស៊ីលរុស្ស៊ី និងផ្តល់ឱ្យអ៊ុយក្រែន នូវសព្វាវុធបន្ថែមទៀត និងអនុញ្ញាតឱ្យទីក្រុងគៀវវាយប្រហាររុស្ស៊ី ដោយផ្ទាល់ផង។
លោកZelensky បាននិយាយបែបនេះ ទៅកាន់ក្រុមហ៊ុន អ្នកលក់របស់អាមេរិកក្នុងទីក្រុងគៀវ នៅថ្ងៃចុងក្រោយ នៃអាណត្តិប្រធានាធិបតី របស់គាត់ដែលគាត់បានព្យាយាម បន្តសម្រាប់រយៈពេលនៃច្បាប់អាជ្ញាសឹក ដែលគាត់បានប្រកាស ដោយសារតែជម្លោះជាមួយរុស្ស៊ី។
លោកបានទាមទារឲ្យប្រទេស ដែលជាបណ្តាសមាជិកណាតូ ក្នុងការបាញ់ទម្លាក់ មីស៊ីលរុស្ស៊ីពីលើអ៊ុយក្រែន ដោយឆ្ងល់ថាតើពួកគេខ្លាចខ្លាំងពេកក្នុងការ ប៉ះទង្គិចឬប៉ះពាល់ ក្រុងមូស្គូឬយ៉ាងណា ។
លោកZelensky បានចង្អុលទៅអ្វី ដែលសហរដ្ឋអាមេរិក និងចក្រភពអង់គ្លេសបានធ្វើនៅពាក់កណ្តាលខែមេសា នៅពេលដែលអ៊ីរ៉ង់បានកំណត់គោលដៅ លើអ៊ីស្រាអែលដោយយន្តហោះគ្មានមនុស្សបើក និងរបាំងការពារមីស៊ីលដែល ទាំងសហរដ្ឋអាមេរិក និងសហភាព អឺរ៉ុបបានរុញច្រានមកវិញ ដោយនិយាយថា ស្ថានភាពទាំងពីរមិនអាចប្រៀបធៀបបាន
នោះទេ ។
គួរឲ្យដឹងដែរថាមេដឹកនាំអ៊ុយក្រែន ក៏បានអង្វរសុំ សម្រាប់ប្រព័ន្ធការពារដែនអាកាស Patriot ដោយសួរថាតើគាត់អាចទទួល បានយ៉ាងហោចណាស់៧គ្រឿង ក្នុងចំណោមពួកគេ នៅក្នុងកិច្ចប្រជុំកំពូលរបស់ណាតូ នៅទីក្រុងវ៉ាស៊ីនតោន៕
ប្រែសម្រួល៖ស៊ុនលី
