បរទេស៖ យោងតាមការចេញផ្សាយរបស់ RT ប្រធានាធិបតីអាមេរិកលោក Joe Biden បានបដិសេធមិននិយាយ ពីរបៀបដែលប្រជាជាតិរបស់លោក នឹងការពារកោះតៃវ៉ាន់ពីយោធា របស់ទីក្រុងប៉េកាំង ប៉ុន្តែនឹងមិន បដិសេធទេថានឹងអាច ដាក់ពង្រាយទ័ពអាមេរិកនៅលើដីនៅលើកោះចិន ដែលគ្រប់គ្រងដោយខ្លួនឯងនេះនោះទេ។
កោះតៃវ៉ាន់ត្រូវបានគាំទ្រដោយរដ្ឋាភិបាល ជាបន្តបន្ទាប់នៅក្នុងទីក្រុងវ៉ាស៊ីនតោន សូម្បីតែបន្ទាប់ពីសហរដ្ឋអាមេរិក បានទទួលស្គាល់ជាផ្លូវការនូវ សាធារណរដ្ឋប្រជាមានិតចិនក្នុងឆ្នាំ១៩៧៩ ក៏ដោយ។
កោះនេះគឺជាជម្រកចុងក្រោយ របស់កងកម្លាំងជាតិនិយមនៅក្នុង សង្គ្រាមស៊ីវិលចិននៃទសវត្សរ៍ឆ្នាំ១៩៤០ ហើយរដ្ឋាភិបាលកុម្មុយនិស្ត នៅលើដីគោកបានបោះបង់ចោលគូប្រជែង របស់ខ្លួនបន្តិចម្តងៗនៅក្នុងឆាកអន្តរជាតិ។
រហូតមកទីក្រុងវ៉ាស៊ីនតោនបាន បន្តផ្តល់ជំនួយទាំងផ្នែកអាវុធ និងពាណិជ្ជកម្មដល់កោះតៃវ៉ាន់ បើទោះបីជាមានការទទួលស្គាល់ តាមលក្ខណៈបច្ចេកទេសថា ប្រជាជាតិចិនតែមួយត្រូវបាន តំណាងដោយទីក្រុងប៉េកាំងក៏ដោយ។
ខុសពីប្រធានាធិបតីអាមេរិកមុនៗ លោក Biden បានងាកចេញពីគោលការណ៍នៃភាព មិនច្បាស់លាស់នៃយុទ្ធសាស្ត្រ ដែលជនជាតិអាមេរិកបដិសេធ មិនប្រាប់ជាសាធារណៈថាតើ ពួកគេនឹងទៅទីណាក្នុងការគាំទ្រក្រុងតៃប៉ិ ដោយតែងតែធ្វើការគាំទ្រដោយបើកចំហ ជានិច្ចចំពោះដែនកោះមួយនេះ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
