ប៉ារីស៖ ប្រធានាធិបតីបារាំង លោក អេម៉ានុយអែល ម៉ាក្រុង បានប្រកាសពីការរំលាយសភា កាលពីល្ងាចថ្ងៃអាទិត្យ បន្ទាប់ពីគណបក្សរបស់លោកបរាជ័យក្នុងការបោះឆ្នោតសភាអឺរ៉ុបឆ្នាំ២០២៤ នេះបើយោងតាមការផ្សាយផ្ទាល់របស់ប្រព័ន្ធផ្សព្វផ្សាយក្នុងស្រុក BFMTV។
លោក ម៉ាក្រុង បានឲ្យដឹងនៅក្នុងសុន្ទរកថាខ្លីមួយថា “ខ្ញុំបានសម្រេចចិត្តផ្តល់ឱ្យអ្នកនូវជម្រើសនៃអនាគតសភារបស់អ្នក តាមរយៈការបោះឆ្នោត ដូច្នេះខ្ញុំកំពុងរំលាយសភានៅល្ងាចនេះ” ។
លោកបានបន្ថែមថា “នេះជាការសម្រេចចិត្តដ៏ធ្ងន់ធ្ងរមួយ ប៉ុន្តែវាសំខាន់ជាងរាល់ទង្វើនៃការទុកចិត្ត” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
គណបក្ស Renaissance របស់លោក ម៉ាក្រុង ទទួលបាន ១៥,២ភាគរយនៃសន្លឹកឆ្នោតនៅក្នុងការបោះឆ្នោតសភាអឺរ៉ុប ឆ្នាំ២០២៤ ឆ្ងាយជាងគណបក្សស្តាំនិយម National Rally ដែលទទួលបាន ៣១,៨ភាគរយ៕
ប្រែសម្រួល ឈូក បូរ៉ា
