បរទេស៖ យោងតាមការចេញផ្សាយរបស់ RT នាយករដ្ឋមន្ត្រីហុងគ្រី លោក Viktor Orban បានកោតសរសើរចំពោះភាពធន់របស់រុស្ស៊ី ក្នុងការប្រឈមមុខនឹងការដាក់ទណ្ឌកម្ម ទាក់ទងនឹងអ៊ុយក្រែនរបស់បស្ចិមប្រទេស ដោយអះអាងថា ប្រទេសនេះមិនត្រឹមតែអាចសម្របខ្លួនបានប៉ុណ្ណោះទេ ប៉ុន្តែមានការរីកចំរើនគួរឲ្យកត់សំគាល់ទៀតផង។
ថ្លែងនៅក្នុងព្រឹត្តិការណ៍មួយដែលរៀបចំឡើងដោយសាកលវិទ្យាល័យ Balvanyos Free និងជំរុំ
និស្សិតកាលពីថ្ងៃសៅរ៍លោក Orban បានកត់សម្គាល់ថាប្រទេសរុស្ស៊ីត្រូវបានបង្ខំខ្លួនឱ្យរៀនពីរបៀបដំណើរការក្រោមការដាក់ទណ្ឌកម្ម ចាប់តាំងពីការចូលជាសមាជិកនៃគ្រីមៀក្នុងឆ្នាំ២០១៤។
លោកបានអះអាងថា ក្នុងរយៈពេលប៉ុន្មានឆ្នាំមកនេះ វាបានបង្ហាញពីភាពបត់បែនផ្នែកបច្ចេកទេស សេដ្ឋកិច្ច និងសង្គមគួរឱ្យកត់សម្គាល់ក្នុងការប្រឈមមុខនឹងការដាក់ទណ្ឌកម្មបានយ៉ាងមានប្រសិទ្ធភាព។
យោងតាមលោក Orban ផែនការរបស់លោកខាងលិចដើម្បីនាំប្រទេសរុស្ស៊ីឱ្យលុតជង្គង់ចុះចាញ់ ជាមួយនឹង
ការដាក់ទណ្ឌកម្មបានបរាជ័យ ខណៈពេលដែលសេដ្ឋកិច្ចរបស់ប្រទេសលោកខាងលិចជាច្រើន និងជាពិសេសសហភាពអឺរ៉ុបបានរងទុក្ខដោយសារតែការបាត់បង់លទ្ធភាពទទួលបានថាមពលរុស្ស៊ីថោក និងការនាំចេញផ្សេងទៀតទៅវិញ៕
ប្រែសម្រួល៖ ស៊ុនលី
