រុស្សីមានកំណត់ត្រាភេវរកម្ម កើនឡើងក្នុងកម្រិតខ្ពស់មិនធ្លាប់មានរយៈពេល ២ទសវត្សចុងក្រោយ

បរទេស៖ យោងតាមការចេញផ្សាយរបស់ RT យោងតាមទិន្នន័យដែលចេញផ្សាយដោយក្រសួងមហាផ្ទៃរបស់ប្រទេសរុស្សីបានឱ្យដឹងថា ប្រទេសរុស្ស៊ីបានមើលឃើញការកើនឡើងគួរឱ្យព្រួយបារម្ភនៅក្នុងឧក្រិដ្ឋកម្មដែលពាក់ព័ន្ធនឹងអំពើភេរវកម្ម និងភាពជ្រុលនិយមនៅក្នុងឆមាសទីមួយនៃឆ្នាំនេះ។

យោងតាមឯកសារស្រាវជ្រាវ ដែលបានបង្ហោះនៅលើគេហទំព័រផ្លូវការរបស់ក្រសួងនៅដើមសប្តាហ៍នេះ ឧក្រិដ្ឋកម្មចំនួន១៦៥១ ត្រូវបានចាត់ថ្នាក់ជាអំពើភេរវកម្មត្រូវបានកត់ត្រានៅក្នុងប្រទេសក្នុងខែមករា ដល់ ខែមិថុនា ឆ្នាំ២០២៤ ដែលជាការកើនឡើងជិត ៤០ភាគរយធៀបនឹងរយៈពេលដូចគ្នាក្នុងឆ្នាំ២០២៣។

ក្រសួងបានកត់សម្គាល់ថាសម្រាប់រយៈពេលដូចគ្នាពីឆ្នាំ២០០៦ ដល់ ឆ្នាំ២០២៣ តួលេខនេះមិនមានដល់ ១៤០០ទេហើយ កំណត់ត្រាខ្ពស់ពីមុនត្រូវបានចុះបញ្ជីនៅក្នុងឆមាសទីមួយនៃឆ្នាំ២០២២ នៅពេលដែលឧក្រិដ្ឋកម្មទាក់ទងនឹងភេរវកម្មចំនួន១៣៣២ ត្រូវបានកត់ត្រាទុក។

ឧក្រិដ្ឋកម្ម​ទាក់ទង​នឹង​សកម្មភាព​ជ្រុលនិយម​ក៏​បាន​ឡើង​ដល់​កម្រិត​ខ្ពស់​ដែរ។ ចាប់ពីខែមករាដល់ខែមិថុនា ឧក្រិដ្ឋកម្មបែបនេះចំនួន ៨១៩ករណីត្រូវបានចុះបញ្ជី ដែលកើនឡើងជិត ១២ភាគរយពីមួយឆ្នាំទៅមួយឆ្នាំតែ តួលេខនេះមិនបានលើសពី ៨០០ករណីឡើយចាប់តាំងពីឆ្នាំ២០១៨។

យ៉ាងណាក្តីក្រសួងមហាផ្ទៃ បានរកឃើញចំនួនខ្ពស់បំផុតនៃឧក្រិដ្ឋកម្មបែបនេះ មិនធ្លាប់កើតមានឡើងក្នុងរយៈពេលជិតពីរទសវត្សរ៍មកនេះ៕

ប្រែសម្រួល៖ ស៊ុនលី