ប៉េកាំង៖ អ្នកការទូតជាន់ខ្ពស់ របស់ប្រទេសចិន នាពេលថ្មីៗនេះ បានបើកដំណើរការយុទ្ធសាស្រ្តការទូតថ្មីមួយ ដើម្បីដោះស្រាយវិបត្តិអ៊ុយក្រែន ដោយបញ្ជាក់ពីការប្តេជ្ញាចិត្តយ៉ាងសកម្មរបស់ប្រទេសចិន ក្នុងការរក្សាសន្តិភាពពិភពលោក។
កិច្ចខិតខំប្រឹងប្រែងបែបនេះ បានបង្ហាញពីការប្តេជ្ញាចិត្តរបស់ប្រទេសចិន ក្នុងការដើរតួជាអ្នកសម្របសម្រួលរវាងភាគីជម្លោះ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ចាប់តាំងពីថ្ងៃទី២៨ ខែកក្កដា មក លោក Li Hui តំណាងពិសេសរបស់រដ្ឋាភិបាលចិន ទទួលបន្ទុកកិច្ចការអឺរ៉ាស៊ី បានទៅបំពេញទស្សនកិច្ច នៅប្រទេសប្រេស៊ីល អាហ្រ្វិកខាងត្បូង និងឥណ្ឌូណេស៊ី ដែលជាសមាជិកសំខាន់ៗរបស់ Global South ក្នុងបេសកកម្មកាត់បន្ថយភាពតានតឹង។
ក្នុងដំណើរទស្សនកិច្ចនេះ បណ្តាប្រទេសនានាបានកោតសរសើរ ចំពោះតួនាទីស្ថាបនារបស់ចិនក្នុងការលើកកម្ពស់កិច្ចចរចាសន្តិភាព និងបានសម្តែងការប្តេជ្ញាចិត្ត ក្នុងការធ្វើការជាមួយប្រទេសចិន និងភាគីពាក់ព័ន្ធដទៃទៀត ដើម្បីស្វែងរកវិធីសាស្រ្តរួម និងរួមបញ្ចូលក្នុងការដោះស្រាយវិបត្តិ។
ជាជាងការញុះញង់ ប្រទេសជាច្រើនមកពីសកលលោកខាងត្បូង បានដាក់ចេញនូវគំនិតផ្តួចផ្តើមសន្តិភាព ឬធ្វើកិច្ចសហប្រតិបត្តិការការទូតរវាងរុស្ស៊ី និងអ៊ុយក្រែន ដោយក្លាយជាតួអង្គសំខាន់ក្នុងការជំរុញកិច្ចសន្ទនា និងលើកកម្ពស់សន្តិភាព។
ជាពិសេស ប្រទេសចិនបានរក្សានូវគោលជំហរ និងមិនលំអៀង ដោយតស៊ូមតិយ៉ាងខ្ជាប់ខ្ជួននូវសន្តិភាព និងការសន្ទនា។ ទីក្រុងប៉េកាំង បានបញ្ជូនបេសកជនពិសេសម្តងហើយម្តងទៀត ដើម្បីចូលរួមក្នុងការទូតតាមយានជំនិះ ដោយដាក់មូលដ្ឋានគ្រឹះ សម្រាប់កិច្ចចរចាបទឈប់បាញ់។
ការទូតជុំចុងក្រោយរបស់ចិន ត្រូវបានជំរុញដោយជំនឿថាប្រទេសកាន់តែច្រើនអំពាវនាវរកសន្តិភាព ឱកាសកាន់តែមានការថយចុះ ដែលនាំពិភពលោកខិតទៅជិតការចរចាជាថ្មី និងសន្តិភាព៕
ប្រែសម្រួល ឈូក បូរ៉ា
