ថ្ងៃទី១២ ខែសីហា ឆ្នាំ២០២៤ ពិធីបើកសកម្មភាព “សប្តាហ៍ចិន-អាស៊ានឆ្នាំ២០២៤ “ បានធ្វើឡើងនៅក្រុងChangzhi ខេត្ត Shanxi ប្រទេសចិន។ លោក Wang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជារដ្ឋមន្ត្រីការបរទេសចិនបានផ្ញើលិខិតអបអរសាទរ។
លោក Wang Yi បានលើកឡើងថា ចាប់ពីឆ្នាំ ២០២១ ដែលលោក Xi Jinping ប្រធានរដ្ឋចិននិងមេដឹកនាំបណ្តា ប្រទេសអាស៊ាន បានប្រកាសកសាងទំនាក់ទំនង ភាពជា ដៃគូយុទ្ធសាស្ត្រគ្រប់ជ្រុង ជ្រោយចិន-អាស៊ានមក ការកសាងសហគមន៍រួម វាសនាចិន-អាស៊ាន ទទួលបានលទ្ធផលជាផ្លែផ្កាយ៉ាងច្រើន ហើយប្រជាជនចំនួនជាង ២ ពាន់លាននាក់កាន់តែរាប់អានគ្នា យល់ដឹងពីគ្នានិងចុះសម្រុងគ្នា ។
លោក Wang Yi បានសង្កត់ធ្ងន់ថា ក្នុងនាមជាទីផ្សារធំទាំងពីរ ដែលជាអ្នកជិតខាងមេត្រីភាពផង និងរីកចម្រើនយ៉ាងផុលផុសផង ទំនាក់ទំនងរវាងចិន និងអាស៊ានប្រកបដោយសក្តានុពលដ៏ធំធេង ។ រំពឹងថាអ្នកទាំងអស់គ្នា នឹងបន្តត្រួសត្រាយវិស័យថ្មីៗសម្រាប់កិច្ចសហប្រតិបត្តិការរវាងចិននិងអាស៊ាន ពិសេសក្តាប់ជាប់ឱកាស នៃកំណែទម្រង់វិទ្យាសាស្ត្រ និងកំណែទម្រង់ឧស្សាហកម្មជុំថ្មី ដើម្បីរួមចំណែកថ្មីបន្ថែមទៀត សម្រាប់ការកសាងសហគមន៍រួម វាសនាចិន-អាស៊ានដែលកាន់តែស្អិតល្មួត៕
