ឥឡូវនេះកម្មវិធី ៥០០០ ជំហានដើម្បីកំពតស្អាត បានត្រឡប់មកវិញហើយដែលរៀបចំទ្បើង ដោយសភាយុវពាណិជ្ជករអន្តរជាតិកម្ពុជា សាខាមេគង្គ។ វិសាលភាពនៃកម្មវិធី ៥០០០ ជំហានដើម្បីកំពតស្អាតទទួលបាន នូវការចាប់អារម្មណ៍យ៉ាងខ្លាំងពីសំណាក់មហាជន តាមរយៈគោលដៅនិងទស្សនៈវិស័យ របស់កម្មវិធីនេះបានពញ្ញាក់ស្មារតីប្រជាជនកម្ពុជា ដោយជុំរុញការយល់ដឹងនិងយកចិត្តទុកដាក់បន្ថែម ទៅលើបញ្ហាបរិស្ថាន និង ការរស់នៅស្អាត។
ឆ្លើយតបនឹងការទន្ទឹងរងចាំ ឥឡូវនេះកម្មវិធី ៥០០០ ជំហានដើម្បីកំពតស្អាត បានត្រឡប់មកវិញហើយដែលនឹងប្រព្រឹត្តទៅនៅថ្ញៃ អាទិត្យ ទី២៥ ខែសីហា ឆ្នាំ២០២៤ ខាងមុខនេះដោយបង្កប់នូវខ្លឹមសារថែរក្សាបរិស្ថាន ជាមួយនឹងការបន្តទម្លាប់ស្អាតដើម្បីប្រទេសយើងដោយ ការពិចារណា ការបដិសេធ និងជុសជុលឡើងវិញ។
បរិស្ថានស្អាតផ្តើមចេញពីការយកចិត្តទុកដាក់ និងសកម្មភាពរបស់យើងទាំងអស់គ្នា នៅក្នុងការចូលរួមថែរក្សាគាំពារ និងរស់នៅប្រកបដោយអនាម័យ។
កំពតស្អាតមានគោលដៅ និងទស្សនៈវិស័យយ៉ាងមុតមាំ នៅក្នុងការផ្សព្វផ្សាយឲ្យបានកាន់តែទូលំទូលាយ នូវការយល់ដឹងអំពីបរិស្ថានទៅកាន់ប្រជាជនកម្ពុជា ដោយមានការគាំទ្រលើកទឹកចិត្ត យ៉ាងពេញទំហឹងដល់ទម្លាប់នៃការរស់នៅស្អាត និងបន្តនូវវប្បធម៌បដិសេធ នូវផលិតផលដែលមិនត្រូវការ ការកាត់បន្ថយនូវផលិតផលដែលមិនចាំបាច់ និងការប្រើប្រាស់ឡើងវិញ នូវផលិតផលដែលអាចប៉ះពាល់ដល់បរិស្ថាន ។
កម្មវិធីនឹងប្រព្រឹត្តទៅនៅទីតាំង នៃខេត្តកំពតផ្ទាល់ដោយ មានការចូលរួមពីសំណាក់ក្រសួងពាក់ព័ន្ធ ដៃគូរសហការណ៍ឧបត្ថម មហាជន និង សិស្សានុសិស្សជាច្រើន។ យុទ្ធនាការ ៥០០០ ជំហានដើម្បីកំពតស្អាតនឹងចេញដំណើរ ពីកីឡាដ្ឋានខេត្តកំពតឆ្ពោះទៅកាន់ឆ្នេរកំពត់ ដែលមានចម្ងាយសរុបប្រមាណជា ៤.៦គីឡូម៉ែត្រ។ ការចូលរួមនៅក្នុងយុទ្ធនាការនេះគឺជាសារនៅក្នុងការរួបរួមគ្នាដើម្បីបរិស្ថាន និងមនុស្សជាតិរបស់យើងទាំងមូល ដោយស្មារតីនៅការសាមគ្គី ចែករំលែក និងការរួបរួម។
លើសពីភាពសប្បាយរីករាយ ការចង់ចាំល្អៗ និងជាផ្នែកយ៉ាងសំខាន់ ក្នុងការលើកកម្ពស់ការយល់ដឹង អំពីបរិស្ថានអ្នកចូលរួមក្នុងកម្មវិធី ដែលបានទៅដល់គៅលដៅបញ្ចប់នឹង ទទួលបាននូវអាវយឺតកំពតស្អាត ដ៏ស្រស់ស្អាតមួយ ដបទឹកបរិស្ថានមានឈ្មោះកំពតស្អាតមួយ និង មេដាយមួយ សម្រាប់អ្នកដែលបានទៅដល់ គោលដៅបញ្ចប់ផងដែរ ។ បន្ថែមពីនេះទៀតពួកយើងក៏មានជាការផ្តល់ ជូនរង្វាន់ពិសេសដល់អ្នកចូលរួម ដែលបានមកដល់ទីបីរូបដំបូងទៀតផង។
កញ្ចប់ចូលរួមក្នុងកម្មវិធីរបស់យើងមានពីប្រភេទ តម្លៃ ២០ដុល្លារ នឹងទទួលបាន អាវយឺកំពតស្អាត២០២៤ចំនួនមួយ មេដាយមួយ និងដបទឹកមួយ។ ដោយឡែកសម្រាប់ កញ្ចប់ ៣០ដុល្លារ វិញនឹងទទួលបាន អាវយឺតកំពតស្អាត២០២៤ចំនួនពីរ មេដាយពីរ និងដបទឹកពីរ។ កញ្ចប់ទាំងពីរនិងទទួលបានអាហារ សម្រន់នៅកំឡុងេពេលកម្មវិធី និង មានឳកាសទទួលបានវោចឆើរផ្សេងៗជាច្រើន ពីដៃគូរសហការឧបត្ថមរបស់យើងផងដែរ។
សម្រាប់ ព័ត៌មានបន្ថែម សូម ចូលទៅកាន់គេហទំព័រ ហ្វេសបុក ផ្លូវការ របស់ “កំពតស្អាត Kampot Saat” ។
វត្តមានចូលរួមរបស់អ្នកទាំងអស់គ្នា បង្ហាញពីការយកចិត្តទុកដាក់ខ្វល់ខ្វាយ និងឆ្លុះបញ្ចាំងពីសារៈសំខាន់នៃបរិស្ថាន។ បរិស្ថានស្អាតផ្តើមចេញពីសកម្មភាព របស់យើងទាំងអស់គ្នា “បន្តទម្លាប់ស្អាត សម្រាប់ប្រទេសយើង”។
ប្រសិនជាលោកអ្នកចាប់អារម្មណ៍ ចូលរួមជាមួយកម្មវិធី ៥០០០ជំហាន ដើម្បីកំពតស្អាត សូមចូលទៅកាន់តំណភ្ជាប់នេះ ដើម្បីធ្វើការចុះឈ្មោះ៖ https://forms.gle/jQRPoiTBTtUhyVMAA
