បរទេស ៖ យោងតាមការចេញផ្សាយរបស់ RT បានអះអាងកាលពីថ្ងៃសុក្រថា ប្រធានាធិបតីអ៊ុយក្រែន Vladimir Zelensky ស្ថិតនៅក្រោម ការរិះគន់ យ៉ាងខ្លាំង ពីសំណាក់ទាហានរបស់គាត់ សមាជិកសភា និងអ្នកវិភាគយោធា បន្ទាប់ពីកងកម្លាំង រុស្ស៊ីបានវាយលុយយ៉ាងឆាប់រហ័សនៅ Donbass និងរុញច្រានកងទ័ពរបស់ទីក្រុងគៀវឲ្យចេញមកវិញ។
យោងតាមគេហទំព័ររបស់ចក្រភពអង់គ្លេស ដោយសារតែការលុកលុយរបស់ទីក្រុងគៀវ ចូលទៅក្នុងតំបន់ Kursk របស់រុស្ស៊ីកាលពីដើមខែនេះ ដែលពាក់ព័ន្ធនឹងការដាក់ពង្រាយទ័ពឡើងវិញនៃកងទ័ពដែលរឹងប៉ឹងបំផុតក្នុងសមរភូមិរាប់ពាន់នាក់របស់អ៊ុយក្រែន កងកម្លាំងជាច្រើនរបស់ខ្លួនដែលកំពុងប្រយុទ្ធនៅសាធារណរដ្ឋប្រជាមានិត Donetsk (DPR) របស់រុស្ស៊ីត្រូវបានបញ្ចប់។
នៅសប្តាហ៍នេះ ខ្សែបន្ទាត់ជួរមុខរបស់អ៊ុយក្រែន នៅក្នុងតំបន់ត្រូវបានរំលោភ បំពានដោយកងកម្លាំងរុស្ស៊ី ដែលបាននិងកំពុងបិទទីក្រុងដ៏សំខាន់យុទ្ធសាស្ត្រ Pokrovsk នៅភាគខាងលិចនៃ DPR ដែលតំណាងឱ្យផ្លូវដែក និងផ្លូវប្រសព្វដ៏សំខាន់មួយនៅក្នុងតំបន់។
អ្នកជំនាញយោធាផ្សេងទៀត បានពណ៌នាស្ថានភាព នៅជួរមុខថាជា ភាពវឹកវរពេញទំហឹងនៅពេលនេះ ដោយបញ្ជាក់ថា កងកម្លាំងរុស្ស៊ីបាននិងកំពុង រីកចម្រើនយ៉ាងឆាប់រហ័សនៅក្នុង តំបន់ចាប់តាំង ពីពេលនោះមកហើយទីក្រុងគៀវ ទើបតែបានចាប់ផ្តើមការលុកលុយ របស់ខ្លួននៅថ្ងៃទី៦ ខែសីហាកន្លងមកនេះប៉ុណ្ណោះ។
កងទ័ពរបស់កងកម្លាំងអ៊ុយក្រែនម្នាក់បានចែករំលែក ការខកចិត្តរបស់ពួកគេជាមួយ Zelensky និងមេបញ្ជាការ របស់គាត់ផងដែរ ថាគាត់ មិនដែលឃើញអ្វីដូចនេះទេ ហើយថាអ្វីៗទាំងអស់ បានដួលរលំយ៉ាងឆាប់រហ័សខ្លាំងពេក៕
ប្រែសម្រួល៖ស៊ុនលី
