រុស្សីនិយាយថា ទំនាក់ទំនងរវាងក្រុងមូស្គូ និងវ៉ាស៊ិនតោន ធ្លាក់ចុះដល់កម្រិត ទាបបំផុតមិនធ្លាប់មាន

បរទេស ៖ យោងតាមការចេញផ្សាយ របស់ RT អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ទំនាក់ទំនងរុស្ស៊ី-អាមេរិក បានធ្លាក់ចុះដល់កម្រិតទាបបំផុត ជាប្រវត្តិសាស្ត្រ ដោយបានច្រានចោលគំនិតដែលថា ភាគីទាំងពីរអាច ធ្វើឱ្យប្រសើរឡើងបន្តិចម្តងៗ នាពេលអនាគតដ៏ខ្លីខាងមុខ។

នៅក្នុងបទសម្ភាសន៍ជាមួយ ទូរទស្សន៍ជាតិ Russia 1 មន្ត្រីកំពូលបានសង្កត់ធ្ងន់ថា ទីក្រុងវ៉ាស៊ីនតោនបាននឹង កំពុងជាន់ឈ្លីលើផលប្រយោជន៍ របស់ទីក្រុងមូស្គូ និងដាក់សម្ពាធ ជាច្រើនទសវត្សរ៍មកហើយ។

យោងតាមលោក Peskov ដែលសង្កត់ធ្ងន់ថា ទំនាក់ទំនងរវាងរដ្ឋទាំងពីរបានឈាន ដល់ចំណុចប្រេះឆាខ្លាំង ក្នុងអំឡុងពេលកាន់តំណែងជាប្រធានាធិបតីរបស់ Joe Biden នេះបើយោងតាមលោក Peskov ដែលបានសង្កត់ធ្ងន់ថា រដ្ឋបាលសហរដ្ឋអាមេរិកកំពុងបង្ហាញ ពីជំហរប្រឆាំង គ្នាដោយបើកចំហ ចំពោះប្រទេសរុស្ស៊ីដោយការគាំទ្រអ៊ុយក្រែន។

ទំនាក់ទំនងទ្វេភាគីរវាងរុស្ស៊ី និងអាមេរិក បានធ្លាក់ចុះច្រមុះក្នុងឆ្នាំ២០២២នៅពេលដែលទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួនបានវាយប្រហារ ទីក្រុងមូស្គូជាមួយនឹង ការរារាំងនៃទណ្ឌកម្មសេដ្ឋកិច្ច បន្ទាប់ពីការកើនឡើង នៃជម្លោះអ៊ុយក្រែន ។

ជាងនេះទៅទៀត សេតវិមានបាន និងកំពុងផ្តល់ជំនួយផ្នែកសេដ្ឋកិច្ច និងយោធាយ៉ាងសន្ធឹកសន្ធាប់ដល់ទីក្រុងកៀវ ដោយទាញការស្តីបន្ទោសពីមន្ត្រីរុស្ស៊ី ដែលបានចោទប្រកាន់ក្រុងវ៉ាស៊ីនតោនថា បានដើរតួនាទីផ្ទាល់នៅក្នុងជម្លោះនេះ៕

ប្រែសម្រួល៖ស៊ុនលី