គៀវ៖ ប្រធានាធិបតីអ៊ុយក្រែន លោក វូឡូឌីមៀ ហ្សេឡិនស្គី បានឲ្យដឹងថា មនុស្សយ៉ាងតិច ៥១ នាក់បានស្លាប់ និង ២៧១ នាក់ផ្សេងទៀតបានរងរបួសកាលពីថ្ងៃអង្គារ ក្នុងការវាយប្រហារដោយមីស៊ីលរបស់រុស្ស៊ី ទៅលើទីក្រុង Poltava ភាគកណ្តាលអ៊ុយក្រែន។
លោក ហ្សេឡិនស្គី បានសរសេរនៅក្នុងសេចក្តីថ្លែងការណ៍មួយនៅលើ Telegram ថា មនុស្សមួយចំនួននៅតែជាប់នៅក្រោមគំនរបាក់បែក នៃអគារដែលត្រូវបានបំផ្លាញ ហើយប្រតិបត្តិការជួយសង្គ្រោះនៅកន្លែងនៅតែបន្ត។
ការិយាល័យអគ្គរដ្ឋអាជ្ញារបស់ប្រទេសអ៊ុយក្រែន បានឲ្យដឹងនៅក្នុងសេចក្តីថ្លែងការណ៍មួយថា យោងតាមការស៊ើបអង្កេតបឋម កាំជ្រួចមីស៊ីល Iskander-M របស់រុស្ស៊ីចំនួនពីរគ្រាប់ បានវាយប្រហារស្ថាប័នអប់រំមួយ និងមន្ទីរពេទ្យមួយក្នុងទីក្រុង Poltava ៕
ប្រែសម្រួល ឈូក បូរ៉ា
