មូស្គូ៖ អ្នកនាំពាក្យវិមានក្រឹមឡាំង លោក Dmitry Peskov បានឲ្យដឹង ប្រទេសរុស្ស៊ី នឹងបន្តប្រតិបត្តិការ យោធាពិសេសរបស់ខ្លួន រហូតដល់គោលដៅទាំងអស់ ត្រូវបានសម្រេច ហើយបច្ចុប្បន្នមិនទាន់មានការកំណត់ថា នឹងបញ្ចប់នៅពេលណានោះទេ។
លោក Peskov បានឲ្យដឹងនៅក្រៅវេទិកាសេដ្ឋកិច្ចបូព៌ា ដែលបច្ចុប្បន្នកំពុងរៀប ចំនៅទីក្រុងវ្លាឌីស្ដុក ភាគខាងកើតនៃប្រទេសរុស្ស៊ីថា “យើងត្រូវបំពេញគោលដៅ ដែលបានកំណត់នៅពេលចាប់ផ្តើម ប្រតិបត្តិការយោធាពិសេស” ។
លោក Peskov បានលើកឡើងថា វាមានសារៈសំខាន់ណាស់ក្នុងការធានាសុវត្ថិភាព និងការព្យាករណ៍ សម្រាប់មនុស្សជំនាន់ក្រោយ និងដើម្បីបង្កើតស្ថាបត្យកម្ម សន្តិសុខថ្មីមួយនៅទូទាំងទ្វីប។
អ្នកនាំពាក្យរូបនេះបានបន្ថែមថា មិនមានការកំណត់ ពេលវេលាជាក់លាក់ណាមួយទាក់ទងនឹងពេលណា ដែលប្រតិបត្តិការពិសេសគួរតែបញ្ចប់នោះទេ។ លោកបានបន្ដថា “ពេលវេលាមិនសំខាន់នៅទីនេះទេ” ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
