បរទេស ៖ ព្យុះ Soulik បានបោកបក់បណ្តាល ឱ្យមានការបាក់ដីនៅតំបន់ចន្លោះខេត្ត Quang Binh និង Quang Tri ភាគកណ្តាលប្រទេសវៀតណាមនៅម៉ោង ២ រសៀល ថ្ងៃព្រហស្បតិ៍ ដែលនាំមកនូវល្បឿនខ្យល់អតិបរមា ៧៤ គីឡូម៉ែត្រក្នុងមួយម៉ោង។
យោងតាមសារព័ត៌មាន VN EXPRESS ចេញផ្សាយកាលពីថ្ងៃទី១៩ ខែកញ្ញា ឆ្នាំ២០២៤ បានឱ្យដឹងថា ព្យុះនេះកំពុងផ្លាស់ទីទៅទិស ខាងលិច-និរតីក្នុងល្បឿន ២៥ គីឡូម៉ែត្រ ក្នុងមួយម៉ោង ហើយគួរតែស្ថិតនៅលើប្រទេសឡាវនៅម៉ោង ១ព្រឹកថ្ងៃសុក្រ នេះបើយោងតាមមជ្ឈមណ្ឌលជាតិ សម្រាប់ការព្យាករណ៍ជលសាស្ត្រឧតុនិយម ។
ខ្យល់បោកបក់ខ្លាំង ត្រូវបានគេរាយការណ៍រួចហើយនៅក្នុងផ្នែកខ្លះនៃខេត្ត Quang Tri, Ha Tinh និង Quang Binh ចាប់តាំងពីព្រឹកថ្ងៃព្រហស្បតិ៍ ខណៈដែល Thua Thien-Hue និង Da Nang បាននិងកំពុងមានភ្លៀងធ្លាក់ចាប់តាំងពីយប់ថ្ងៃពុធ ជាមួយនឹងកម្រិតទឹកភ្លៀងឈានដល់ ៣១០ មីលីម៉ែត្រនៅក្នុងតំបន់មួយចំនួន។
លោក Mai Van Khiem នាយកមជ្ឈមណ្ឌលបាន និយាយថា “គំរូអាកាសធាតុដែលទាក់ទងនឹងព្យុះ Soulik នឹងនាំមកនូវភ្លៀងធ្លាក់ខ្លាំង ទៅកាន់ភាគកណ្តាល នៃប្រទេសវៀតណាម ភាគខាងត្បូង នៃភាគខាងជើងនៃប្រទេសវៀតណាម តំបន់ខ្ពង់រាបកណ្តាល និងភាគខាងត្បូង ប្រទេសវៀតណាម”។ “មានហានិភ័យខ្ពស់នៃទឹកជំនន់ និងការរអិលបាក់ដី ជាពិសេសនៅតំបន់ភ្នំភាគខាងលិច តំបន់ដូចជា Thua Thien-Hue, Quang Binh, Quang Tri, Ha Tinh និង Nghe An”។
ប្រែសម្រួលៈ ណៃ តុលា
