ពោធិ៍សាត់: ក្នុងអំឡុងពេលនៃពិធីបុណ្យភ្ជំបិណ្ឌរយះពេល ៣ ថ្ងៃចាប់ពីថ្ងៃទី ១ ដល់ថ្ងៃទី ៣ ខែ តុលា ឆ្នាំ ២០២៤ ខេត្តពោធិ៍សាត់ទទួលបានភ្ញៀវទេសចរប្រមាណជាង ៦ មុឺនាក់ក្នុងនោះភ្ញៀវទេសចរជាតិចំនួន ៦៤,៩៧៦ នាក់ និង ភ្ញៀវទេសចរអន្តរជាតិចំនួន ៤៩ នាក់នេះបើយោង តាមរបាយការណ៍ របស់មន្ទីរទេសចរខេត្តពោធិ៍សាត់។
បើតាមរបាយការណ៍របស់មន្ទីរទេសចរខេត្តពោធិ៍សាត់ដដែលក៍បានបង្ហាញថានាឱកាសបុណ្យភ្ជំបិណ្ឌថ្ងៃទី ៣ ខែ តុលា ឆ្នាំ ២០២៤ សម្រាប់រម្មណីយដ្ឋាន និង តំបន់ទេសចរក្នុងខេត្តពោធិ៍សាត់ទាំង ២៨ កន្លែងភ្ញៀវទេសចរមានចំនួន ២៣,២១២ នាក់ក្នុងនោះភ្ញៀវទេសចរជាតិមានចំនួន ២៣,១៩៥ នាក់ និង ភ្ញៀវទេសចរអន្តរជាតិ មានចំនួន ១៧ នាក់ ។
សម្រាប់រយះពេល ៣ ថ្ងៃគឺចាប់ពីថ្ងៃទី ១ ដល់ថ្ងៃទី ៣ ខែ តុលា ឆ្នាំ ២០២៤ ខេត្តពោធិ៍សាត់ទទួលបានភ្ញៀវ ទេសចរមកលេងកម្សាន្ត សរុប ៦៥,០២៥ នាក់ ក្នុងនោះភ្ញៀវទេសចរជាតិចំនួន ៦៤,៩៧៦ នាក់ និង ភ្ញៀវទេសចរអន្តរជាតិ ចំនួន ៤៩ នាក់បើធៀបនឹងរយះពេល ៣ ថ្ងៃដូចគ្នា នៃពិធីបុណ្យភ្ជំបិណ្ឌឆ្នាំ ២០២៣ភ្ញៀវទេសចរ គឺមានការកើនឡើង ០,៨៥ ភាគរយ ។
ចំពោះសភាពការណ៍ទូទៅ តាមរម្មណីយដ្ឋាន សហគមន៍ និង គោលដៅ ទីតាំងទេសចរនានា ក្នុងខេត្តពោធិ៍សាត់ គឺបានដំណើរការទៅ ដោយរលូនដោយពុំមានបាតុភាព អ្វីកើតឡើងគួរអោយកត់ សំគាល់នោះឡើយ៕
